Здароўе33

У гэтай узроставай групе ў Беларусі колькасць хворых на ВРВІ вышэйшая ў два разы

«Гэта звязана з пэўнай модай апранацца», — кажа галоўны санітарны доктар Беларусі.

Ілюстрацыйнае фота «Наша Ніва»

У Беларусі зараз адзначаецца высокая захваральнасць на вострыя рэспіраторныя вірусныя інфекцыі сярод падлеткаў 15-17 гадоў, распавёў намеснік міністра аховы здароўя, галоўны дзяржаўны санітарны доктар Беларусі Аляксандр Тарасенка, піша БелТА.

«У асноўным мы зараз рэгіструем высокую захваральнасць сярод падлеткаў 15—17 гадоў. Гэта звязваю з пэўнай модай апранацца. Сярод гэтай групы насельніцтва захваральнасць вышэйшая ў два разы, — сказаў Аляксандр Тарасенка. — Але з улікам прыняцця прафілактычных мер я думаю, што і па гэтай групе, і па насельніцтве нам удасца стрымаць сітуацыю».

Намеснік міністра аховы здароўя разлічвае, што захваральнасць у гэтым эпідэмічным сезоне будзе не вышэйшай, чым летась. Пачынаючы з 2011 года, калі штогод сталі праводзіць кампанію па вакцынацыі супраць грыпу, адзначаецца станоўчая тэндэнцыя.

«Чым больш прышчэплена насельніцтва, тым меншая захваральнасць на грып», — удакладніў ён.

Па словах Аляксандра Тарасенкі, на сёння захваральнасць на вострыя рэспіраторныя інфекцыі стабілізавалася. Да гэтага быў рост, звязаны з заканчэннем канікул, выхадам з адпачынкаў.

«Сфармаваліся калектывы — і адзначаўся рост. Гэта штогадовая сітуацыя. Але калі параўноўваць з аналагічным перыядам мінулага года, то паказчыкі захваральнасці ніжэйшыя», — заўважыў Аляксандр Тарасенка.

Ён удакладніў, што за мінулы тыдзень паказчык захваральнасці склаў 1260 выпадкаў на 100 тысяч насельніцтва.

Кампанія вакцынацыі супраць грыпу стартавала ў верасні. За кошт бюджэту прышчапляюць трохвалентнай вакцынай для прафілактыкі грыпу расійскай вытворчасці.

За ўласныя грошы можна прышчапіцца вакцынамі «Ваксігрып Тэтра» (Францыя) і чатырохвалентнай «Інфлювак Тэтра» (Швейцарыя).

«Усе яны прайшлі рэгістрацыю, паказалі сваю эфектыўнасць», — падкрэсліў намеснік міністра.

Каментары3

  • Казік
    21.10.2023
    > Гэта звязваю з пэўнай модай апранацца

    І што менавіта ў вопратцы ўплывае?
  • Igrek
    21.10.2023
    Натуральны адбор. Не перешкаджайце.
  • беларуска
    21.10.2023
    Казік, вы хіба падлеткаў ня бачылі? кароткія спадніцы, бяз шапак, шалікаў, пальчатак ходзяць, у красоўках замест цяплейшага абутку. усё абы не выглядаць капустай, што мама заматала))

Цяпер чытаюць

Пасля паездкі за межы ЕС таямніча знік Анатоль Котаў, былая правая рука Паўла Латушкі33

Пасля паездкі за межы ЕС таямніча знік Анатоль Котаў, былая правая рука Паўла Латушкі

Усе навіны →
Усе навіны

Ізраіль нанёс удары па сталіцы Емена. Адной з цэляў быў прэзідэнцкі палац2

Чаму беларусам не варта шукаць нацыянальную ідэю91

З расійскага палону вярнулі экс-мэра Херсона, выкрадзенага расіянамі ў пачатку вайны

Беларусь і Пакістан падпішуць мемарандум аб працаўладкаванні15

КНДР выпрабавала новыя ракеты СПА. Кім Чэн Ын кантраляваў асабіста3

Як у Кіеве адзначылі Дзень Незалежнасці2

У аэрапорце Баку пасажыраў Belavia трымалі дзве гадзіны ў самалёце без вентыляцыі, але самалёт так і не паляцеў1

Сёння ў Мінску развітаюцца з Яраславам Еўдакімавым

У цэнтры Вільні руская музыка гучала гучней за сірэны. Мясцовыя выклікалі паліцыю, справа выклікала вялікае абмеркаванне27

больш чытаных навін
больш лайканых навін

Пасля паездкі за межы ЕС таямніча знік Анатоль Котаў, былая правая рука Паўла Латушкі33

Пасля паездкі за межы ЕС таямніча знік Анатоль Котаў, былая правая рука Паўла Латушкі

Галоўнае
Усе навіны →

Заўвага:

 

 

 

 

Закрыць Паведаміць