Пуцін: Расія павінна выкарыстоўваць усе магчымасці, каб перашкодзіць спробам сарваць перамовы з ЗША
Краіны Захаду незадаволеныя аднаўленнем кантактаў паміж Масквой і Вашынгтонам і, імкнучыся захаваць глабальную нестабільнасць, нібыта хочуць паспрабаваць сарваць дыялог. Такую заяву зрабіў Уладзімір Пуцін на пасяджэнні калегіі ФСБ.
«Не ўсіх задавальняе аднаўленне расійска-амерыканскіх кантактаў. Частка заходніх элітаў па-ранейшаму настроена на захаванне нестабільнасці ў свеце, і гэтыя сілы будуць спрабаваць сарваць або скампраметаваць распачаты дыялог.
Мы гэта з вамі бачым. Нам трэба гэта ўлічваць і выкарыстоўваць усе магчымасці дыпламатыі і спецыяльных службаў для зрыву падобных спробаў», — заявіў кіраўнік Расіі.
Пуцін падкрэсліў, што супрацоўнікі ФСБ павінны цвёрда абараняць «нацыянальныя інтарэсы Расіі, яе суверэнітэт, а таксама бяспеку і свабоды грамадзян».
Акрамя таго, Пуцін запатрабаваў узмацніць контрвыведвальную дзейнасць, матывуючы гэта ростам актыўнасці замежных спецслужбаў на фоне развязанай ім вайны ва Украіне. Ён таксама даручыў ФСБ рашуча спыняць любыя спробы «раз'яднаць і раскалоць» расійскае грамадства.
Раней на фоне асцярожнага збліжэння з Вашынгтонам у адміністрацыі прэзідэнта Расіі далі рэкамендацыі прапагандысцкім СМІ не рабіць акцэнт на асабістай падтрымцы Трампа, але сфармаваць вобраз палітыка, які «меў мудрасць адгукнуцца на працягнутую Расіяй руку», паведамляе выданне «Вёрстка» са спасылкай на крыніцы ў праўладных медыя і суразмоўцу, блізкага да Крамля. Такая стратэгія прадыктавана асцярогамі, што перамовы з ЗША могуць у канчатковым выніку зайсці ў тупік.
Трамп працягнуў на год санкцыі супраць Расіі
У Стамбуле скончыліся перамовы Расіі і ЗША
Дзяржсакратар ЗША: Мы праверым, наколькі шчыра ў Крамлі хочуць спынення вайны
Вучэнні «Захад-2025»: ці нападзе Расія на краіны Балтыі?
Ці дазволіць Польшча Трампу прадаць Украіну?
Пуцін прапанаваў Трампу расійскі алюміній і рэдказямельныя металы
Каментары
Якія га?!