У Мінску паўтара месяца не будуць працаваць тры трамвайныя лініі
Мінгарвыканкам прыняў рашэнне аб абмежаванні руху трамваяў у напрамку ДС «Возера» ў Мінску на час рамонту трамвайных шляхоў.
Рух трамваяў №3, 4, 5 ад вуліцы Краснай да ДС «Возера» будзе закрыты з 0:30 15 сакавіка па 5:00 1 мая.
Раней у «Мінсктрансе» заявілі пра рамонт на лініі ў сувязі з будаўніцтвам новай лініі метро, а менавіта падрыхтоўкай і перакладкай інжынерных сетак.
Будзе зроблена перашыўка шырыні каляіны па праспекце Машэрава, замена дэфектнага швелера і асфальтабетону на скрыжаванні праспекта Машэрава і вуліцы Куйбышава. Заменяць 50 пагонных метраў дэфектных рэек ды інш.
Каментары
Не будзе працаваць толькі 1 лінія і 3 маршруты на ёй.