Іван Кубракоў прапанаваў адпраўляць на грамадскія работы бацькоў, якія не глядзяць сваіх дзяцей
Міністр унутраных спраў Беларусі Іван Кубракоў прапанаваў караць грамадскімі работамі бацькоў, якія не надаюць дастатковай увагі выхаванню сваіх дзяцей. Пра гэта ён заявіў на пасяджэнні Мінгарвыканкама 1 жніўня, піша «Смартпрэс».
Гаворка ідзе пра тыя сем'і, адносна якіх прызнана, што дзеці там знаходзяцца ў «сацыяльна небяспечным становішчы» (СНС) або ўжо адабраныя з сям’і. Кубракоў адзначыў, што бацькі, якія «ламаюць жыццё сваім дзецям», павінны несці адказнасць. Паводле яго, калі дзіця трапляе ў прытулак, бацькі не павінны проста заставацца дома — яны мусяць самі шукаць шляхі, як выправіць сітуацыю.
Іван Кубракоў прапанаваў змяніць заканадаўства і ўвесці адміністрацыйную адказнасць для такіх бацькоў — напрыклад, абавязаць іх да выканання грамадскіх работ.
Ён таксама даручыў кіраўніку сталічнай міліцыі сабраць спісы бацькоў, якія злоўжываюць алкаголем ці ўхіляюцца ад працы, каб ужываць да іх «максімальна жорсткія меры».
Калі такія асобы зноў парушаць закон, то наяўнасць у іх статусу СНС або адабранне дзяцей павінны лічыцца абцяжарваючым фактарам пры прызначэнні пакарання. Кубракоў адзначыў, што за няяўку ў міліцыю такія бацькі цяпер не нясуць адказнасці, і заклікаў гэта змяніць, бо сілавікі марнуюць час і рэсурсы на іх пошукі.
Паводле Мінгарвыканкама, за першае паўгоддзе 2025 года паступіла больш за 3 тысячы паведамленняў пра сямейныя праблемы, а пасля расследаванняў статус СНС быў нададзены 1195 дзецям.
Кубракоў загадаў пакараць нейкіх блатных за старыя парушэнні ПДР
Сілавікі заклікаюць людзей слаць ім інфармацыю ў чат-бот
Кубракоў, вярнуўшыся з селектарнай нарады ў Лукашэнкі, зразу ж склікаў сваю — па той жа схеме
Сеніцкі воўк, якога гераічна застрэліла міліцыя, усё ж аказаўся сабакам. Пад пытаннем і ягонае шаленства
Каментары