Восень у Нацыянальным парку «Прыпяцкі» — асаблівы час. З верасня і да сярэдзіны кастрычніка тут можна пачуць уражальны роў аленяў — гучныя крыкі самцоў, якія ў шлюбны перыяд змагаюцца за ўвагу самак.
Гэта не толькі незвычайнае прыроднае відовішча, але і сапраўднае гукавое шоу, якое заваблівае ў парк турыстаў і аматараў прыроды.
Восенню ў аленяў пачынаецца перыяд гону. Самцы становяцца больш актыўнымі і сваім магутным ровам дэманструюць сілу, завабліваюць самак і супернічаюць паміж сабой.
У гэты час назіраць за жывёламі можна нават днём, аднак найбольш актыўнымі яны бываюць на золку і ўвечары.
Нацыянальны парк «Прыпяцкі» лічыцца адным з добрых месцаў для назірання за аленямі. Шукаць іх варта ў лясах і на адкрытых палянах, асабліва каля рэк і балот.
Нацыянальны парк таксама арганізуе адмысловыя экскурсіі. Дасведчаныя гіды дапамагаюць выбраць адпаведныя месцы для назірання і расказваюць пра паводзіны жывёл.
Каб не спудзіць аленяў, рэкамендуецца:
- адзявацца ў непрыкметнае адзенне прыродных колераў — зялёнага, карычневага або шэрага;
- захоўваць цішыню і не рабіць рэзкіх рухаў;
- выкарыстоўваць фотаапарат з добрым зумам, каб назіраць за жывёламі з адлегласці;
- не падыходзіць да аленяў блізка, бо ў шлюбны перыяд самцы могуць паводзіць сябе агрэсіўна.
Роў аленяў — адно з самых захапляльных восеньскіх прыродных відовішчаў Беларусі, якое варта пачуць хоць бы раз.
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары