Kiraŭnik analityčnaha centru JesooM Siarhiej Musijenka zaklikaje zrabić surjoznyja vysnovy z hazavaha kanfliktu Rasii i Ŭkrainy. Jon vinavacić urad u tarpiedavańni prajektu enierhietyčnaha masta Ŭkraina‑Biełaruś‑Litva.
Kiraŭnik analityčnaha centru JesooM Siarhiej Musijenka zaklikaje zrabić surjoznyja vysnovy z hazavaha kanfliktu Rasii i Ŭkrainy. Jon vinavacić urad u tarpiedavańni prajektu enierhietyčnaha masta Ŭkraina‑Biełaruś‑Litva.
Biełaruś abaviazana zrabić surjoznyja vysnovy z hazavaha kanfliktu Rasii i Ŭkrainy, zajaviŭ kiraŭnik analityčnaha centru JesooM Siarhiej Musijenka. Acenki Musijenki raspaŭsiudziła łukašenkaŭskaje ahienctva «Interfaks‑Zachad».
Hałoŭnaj pryčynaj kanfliktu jość imknieńnie Maskvy pierakanać Zachad u patrebie pabudovy hazapravodu «Nord Stream» i zaadno vyrašyć inšyja «taktyčnyja» pytańni, miarkuje jon.
Na dumku S.Musijenki, prablema vyrašajecca Rasijaj «z dapamohaj siłavoha cisku, cyničnaha j žorstkaha». Dziejańni rasijskaha boku skiravany na toje, kab zbuntavać hramadskuju dumku ŭ Jeŭropie, ale Rasija robić sabie miadźviedžuju pasłuhu, bo ŭ Jeŭropie bačać kruciala.
Kiraŭnik JesooM nazvaŭ dziejańni «Hazpromu» «spłanavanaj akcyjaj pa prymusie krainaŭ ES dazvolić prakładku truby pa dnie Bałtyjskaha mora». Jon krytykuje ideju «Nord Strymu»
S.Musijenka nie vyklučaje paŭtoru hazavaha kanfliktu, tolki ŭžo ź Biełaruśsiu. «My sutykniomsia z takim sama žorstkim presinham», — prahnazuje jon. «Uźnikaje tolki pytańnie: ci buduć nas sprabavać tak baranić u Jeŭropie, jak Ukrainu?» – zadajecca pytańniem jon.
Musijenka ličyć, što «Biełarusi treba rabić surjoznyja vysnovy i dziejničać vielmi chutka; tyja, u kaho składanaści z sumleńniem, dumajuć zusim inšymi katehoryjami: rubilnik i vientyl».
Musijenka ličyć patrebnym źmianšeńnie spažyvańnia hazu i «realnyja prajekty pa alternatyŭnaj enierhietycy, a nie mifičnyja enierhaźbierahalnyja technałohii, jakija tolki stvarajuć karupcyjnyja schiemy».
Taksama
Musijenka ŭ žorstkich vyrazach źviartaje ŭvahu na «sarvany ŭradam Biełarusi prajekt pa tranzicie i kupli za biełaruskija rubli ŭkrainskaj elektraenierhii».
Dla taho, kab zapuścić enierhamost z Ukrainaj, niama nijakich techničnych pieraškodaŭ, kaža jon i dadaje: u dadzienym prajekcie vielmi zacikaŭlenaja i Litva. Ź jahonych słovaŭ, Ukraina, majučy liški elektraenierhii, moža pastaŭlać jaje stolki, kolki treba.
«Voś dzie treba znachodzić inviestycyi, a nie jeździć biezvynikova ŭ Łondan [«Interfaks» u dužkach tłumačyć dla nierazumnych — na inviestycyjny forum] i płacić za toje rasiejskaj kansałtynhavaj firmie», —niedvuchsensoŭna kidaje Musijenka abvinavačvańni na adras Sidorskaha. U łukašenkaŭskich ŚMI krytyka amal nikoli nie byvaje vypadkovaj.
Musijenka praciahvaje: «Uźnikaje pytańnie: čamu błakujucca ekanamična vyhadnyja prajekty?
Mova idzie pra niejkaja karupcyjnyja schiemy, łabiravańnie čyichści intaresaŭ, ale ž heta nie prosta niedalnabačnaść biełaruskaha ŭradu?», —rytaryčna pytajecca jon.
«Partniory ŭ Jeŭrasajuzie pakul bačać, što biełarusy nie mohuć vyrašyć pytańnie, jakoje ničoha dla nas nie kaštuje, a praniesła b istotny dachod», — padsumoŭvaje S.Musijenka i stvarajecca ŭražańnie, što jahonym hołasam havoryć sp. Makiej.
Siarhiej Musijenka – analityk, blizki da Administracyi prezidenta. Jon staŭ viadomy svaimi «ekzit‑połami», jakija dakładna prahnazavali vynik, što paźniej abviaščaŭsia Lidzijaj Jarmošynaj. Pryčym ličby abviaščalisia samym rankam u dzień hałasavańnia.
Krytyka Musijenkam uradu moža aznačać žadańnie hrupy Viktara Łukašenki ŭvieści čynoŭnikaŭ małodšaha pakaleńnia taksama na šerah pasadaŭ u Saŭminie.A zaadno śpisać na Sidorskaha vinu za ekanamičny kryzis.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym9
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary