Kiraŭnik «Sinezisa», čyje kamiery raspaznajuć tvary minčukoŭ: My nie pieradajom orhanam źviestki ab pratestoŭcach
Apošnim časam chodziać čutki, nibyta MUS vałodaje niejkaj technałohijaj raspaznavańnia tvaraŭ, dziakujučy jakoj identyfikuje niekatorych pratestoŭcaŭ.
Karystalniki biełaruskich sacsietak pačali vinavacić u hetym kampaniju «Sinezis», jakaja viadomaja techničnym supravadžeńniem h. zv. RSMHB (Respublikanskaj sistemy manitorynhu hramadskaj biaśpieki), u ramkach jakoj u krainie pavinny źjavicca — ale jašče nie źjavilisia — tysiačy kamier z funkcyjaj raspaznavańnia tvaraŭ u intaresach MUS.
«Naša Niva» źviarnułasia pa kamientar da suzasnavalnika «Sinezisa» Alaksandra Šatrova. Na pytańnie, ci pieradaje kampanija źviestki ab pratestoŭcach, jon kateharyčna adkazvaje: «Nie».
Šatroŭ narakaje, što ŭ niekatorych telehram-kanałach apublikavanyja jaho kantakty, jon atrymlivaje brutalnyja sms z pahrozami. Ale bolš za ŭsio jaho chvaluje zdaroŭje i emacyjny stan supracoŭnikaŭ, jakim taksama prychodziać pahrozy, — u sacsietkach hučać zakliki apubličyć dadzienyja ŭsich rabotnikaŭ.
«Raspaznavańnie tvaraŭ — heta šyrokaja vobłaść: fejsbuk taksama adroźnivaje ludziej i adznačaje ich na fota, ajfon raspaznaje tvary ŭ halerei, isnujuć niedarahija instrumienty ŭ adkrytym dostupie, zdolnyja znachodzić čałavieka pa fota, ale naša sistema pracuje na inšych ałharytmach, — tłumačyć Šatroŭ.
— My nie biarom videapłyń, kab vyčlenić adtul tvary, kab potym suadnieści ich, skažam, z pašpartnymi bazami i identyfikavać ludziej. Niekatoryja ž nam takija mahčymaści prypisvajuć.
Naša sistema vykonvaje advarotnuju funkcyju: kali ŭ vas jość niejkaja asoba ŭ vyšuku, to sistema dazvalaje ŭ realnym časie jaje vyznačyć pa tvary, kali jon znachodzicca ŭ poli zroku kamiery, abo znajści ŭ archivie. Heta pracuje tolki tady, kali vy viedajecie, kaho šukajecie. Pierad nami nie stajać zadačy «vaźmi ŭsie tvary ź videa i znajdzi, jak ich zvać», — skazaŭ Šatroŭ.
Šatroŭ taksama dadaŭ, što kamiery «Sinezisa» pracujuć tolki ŭ minskim mietro i na vakzale, u ich pole zroku pratesnyja akcyi nie traplajuć u pryncypie.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać3
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2121
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna21
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary