Davydźka: Žurnalistaŭ, jakija aśviatlajuć niesankcyjanavanyja akcyi, płanujuć pryraŭniać da ŭdzielnikaŭ hetych akcyj
U Biełarusi rychtujucca papraŭki ŭ zakon ab ŚMI, pavodle jakich žurnalistaŭ, jakija aśviatlajuć niesankcyjanavanyja akcyi, płanujuć pryraŭniać da ŭdzielnikaŭ hetych akcyj, zajaviŭ staršynia hramadskaha abjadnańnia «Biełaja Ruś» Hienadź Davydźka «Smartpres».
«Ciapier u źmienach u zakon ab ŚMI, kali mierapryjemstva nie dazvolena pa zakonie, to luby žurnalist, jaki znachodzicca tam, užo nie žurnalist, a prosta hramadzianin, jaki ŭdzielničaje ŭ niesankcyjanavanym mierapryjemstvie. Ja liču, heta pravilna», — skazaŭ Davydźka.
Pavodle jaho słoŭ, časta mierapryjemstva pravodzicca nie dla samoha mierapryjemstva, a kab jano patrapiła ŭ ŚMI.
«Što tut kamientavać, treba być łajalnymi, treba być zakonapasłuchmianymi», — ličyć Davydźka.
Jon padkreśliŭ, što «ciapier šmat adyjoznych srodkaŭ masavaj kamunikacyi, jakija pracujuć u Internecie, u jakich miljonnyja naviedvańni, dzie ŭvieś čas idzie bieśpierapynny štosutačny mitynh suprać dziejnaha prezidenta, ułady».
Na dumku Davydźki, ciapier čas «nie taki». «My razvažajem, byccam ciapier zvyčajny čas, ale ŭsim treba razumieć, što idzie ŭ śviecie vajna. Infarmacyjnaja vajna ŭ svaim apahiei, adzin krok da haračaj fazy. I treba ŭžo pryvykać žyć pavodle vajennaha času, h. zn. adkazvać za svajo słova, učynak i adkaznaść inšaja», — zajaviŭ jon.
«Luby ŚMI — heta ŭžo ahniavy punkt abo supiernika, abo sajuźnika. I padaŭleńnie ahniavych punktaŭ praciŭnika — heta adzin z pastułataŭ bajavych dziejańniaŭ», — zajaviŭ kiraŭnik hramadskaha abjadnańnia «Biełaja Ruś».
Kamientary