83% hramadzian Ukrainy chočuć, kab ukrainskaja była adzinaj dziaržaŭnaj movaj
Apytańnie: 83% hramadzian Ukrainy chočuć, kab ukrainskaja była adzinaj dziaržaŭnaj movaj, tracina ruskamoŭnych hatovaja pierajści vyklučna na ŭkrainskuju ŭ pobycie.
Ukrainskaja sacyjałahičnaja hrupa «Rejtynh» praviała čarhovaje apytańnie ab moŭnych pieravahach ukraincaŭ i pryjšła da vysnovy, što ŭsio bolš hramadzian krainy majuć namier pierachodzić na ŭkrainskuju. Apytańnie pravodziłasia va ŭsich rehijonach Ukrainy, akramia časova akupavanych terytoryj i Kryma, u im pryniali ŭdzieł 1000 čałaviek.
Jak adznačajuć sacyjołahi, z 2012 pa 2022 hod dola ludziej, jakija ličać ruskuju movu svajoj rodnaj,
skaraciłasia va Ukrainie z 42% da 20%.
Dźvie traciny tych, chto ličyć siabie dźviuchmoŭnym, skazali, što ŭ budučyni płanujuć pierajści vyklučna na ŭkrainskuju movu, a siarod ruskamoŭnych — tracina. 83% vystupajuć za toje, kab adzinaj dziaržaŭnaj movaj Ukrainy była ŭkrainskaja.
Hety punkt hledžańnia daminuje va ŭsich rehijonach krainy i va ŭsich moŭnych i ŭzrostavych hrupach.
Pry hetym 67% apytanych ličać, što moŭnaj prablemy va Ukrainie nie isnuje, i tolki 2% vierać rasijskim śćviardžeńniam ab tym, što armija, jakaja ŭvarvałasia, pryjšła abaraniać pravy ruskamoŭnych hramadzian Ukrainy.
Ciapier čytajuć
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak9
Kamientary