Končyki listoŭ vašych chatnich kvietak žaŭciejuć, čarniejuć i adsychajuć? Što heta značyć i jak z hetym zmahacca? Mahčyma, adkaz bolš prosty, čym vam zdajecca.
Kab jak maha daŭžej radavacca zdarovamu vyhladu chatnich raślin, treba zabiaśpiečyć im pravilnyja ŭmovy. Naturalnym asiarodździem dla bolšaści vidaŭ, jakija ciapier vyroščvajuć u vazonach, źjaŭlajucca tropiki. Heta klimat, dzie šmat ciapła i vysokaja vilhotnaść, raskazvaje onet.pl.
Ale i ŭ našych kvaterach takim raślinam, jak manstera, spacifłora i da ich padobnym, moža być kamfortna, i dabicca hetaha niaciažka. Prosta źviartajcie ŭvahu na vypadki, kali končyki listoŭ na raślinach robiacca karyčnievymi i suchimi.
Aptymalnaja vilhotnaść dla pamiaškańniaŭ składaje ad 40 da 60% pry tempieratury 20-22 hradusy Celsija. Zanadta suchoje pavietra moža vyklikać adčuvańnie suchaści ślizistych abałonak, kašal i hałaŭny bol. Nie tolki čałavieku, ale i pieravažnaj bolšaści raślin (navat sukulentam) patrebnaja vilhotnaść nie nižejšaja za 40%. Asabliva nie lubiać suchoje pavietra nastupnyja vidy: spacifłora, travianistyja raśliny, fitonija, pileja i ałakazija. Kali hetym i inšym raślinam nie chapaje vilhotnaści ŭ pavietry, heta prajaŭlajecca na ich nastupnym čynam:
- končyki listoŭ burejuć i sochnuć;
- listy pačynajuć skručvacca i zmorščvacca;
- raślina pačynaje skidvać listy;
- na listach źjaŭlajucca drobnyja klaščy — pavucinnyja (vyhladajuć jak bieły nalot).
Usio heta značyć, što raślina apynułasia va ŭmovach, što joj nie padychodziać, i sprabuje praduchilić stratu vady.
Najlepšy sposab abaranić svaje kvietki ad vysychańnia — nabyć uvilhatnialnik pavietra. Na rynku ciapier vielmi šmat takich devajsaŭ, tamu vy zmožacie padabrać uvilhatnialnik pad patreby raślin u kankretnym pamiaškańni i pad dastupny biudžet, bo najtańniejšyja ź ich možna nabyć usiaho za 20-30 rubloŭ.
Jašče adzin efiektyŭny sposab — apyrskvańnie liścia vadoj (pažadana, kab jana była miakkaja). Šmat jakim raślinam padabajecca apyrskvańnie, ale nie ŭsim, tamu pierad tym, jak rabić kvietkam hetuju praceduru, lepš praviercie ŭ internecie, jak jaje ŭsprymajuć kankretnyja vidy raślin.
Prosta zapalicie łaŭrovy list i pačakajcie paru chvilinaŭ. Efiekt vas urazić
Chočacie vyraścić doma raślinu, ale vy dalokija ad hetaha? Vam dapamohuć sukulenty
«Bansaj pryjšłosia zakapać na leciščy ŭ baćkoŭ». Jak biełarusy źjazdžali za miažu bieź lubimych raślin
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym15
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary