Boju pamiž Maskam i Cukierbierham być! I jon budzie tranślavacca ŭ žyvym efiry
Zasnavalnik Space X i Tesla, a taksama ŭładalnik sacyjalnaj płatformy X (raniej viadomaj jak Twitter) Iłan Mask zajaviŭ, što prapanavany im boj u kletcy z hiendyrektaram Meta Markam Cukierbierham budzie tranślavacca ŭ žyvym efiry na X, paviedamlaje Reuters.
«Bitva Cukierbierha suprać Maska budzie tranślavacca ŭ žyvym efiry na X. Usie atrymanyja srodki pojduć na dabračynnaść dla vieteranaŭ», — napisaŭ Mask u dopisie na X, nie paviedamlajučy nijakich padrabiaznaściaŭ.
Raniej u niadzielu Mask zajaviŭ, što jon «padymaŭ ciažary na praciahu dnia, rychtujučysia da boju», dadaŭšy, što ŭ jaho nie było času na treniroŭki i tamu jon biare ciažary na pracu.
Kali karystalnik na X spytaŭ Maska pra sens bitvy, Mask adkazaŭ, što «heta cyvilizavanaja forma vajny, a ludzi lubiać vajnu.
Cukierbierh prapanavaŭ dataj boju vybrać 26 žniŭnia.
Iłan Mask i Mark Cukierbierh pahadzilisia sustrecca ŭ pajadynku ŭ Łas-Viehasie ŭ aktahonie — kletcy dla bajoŭ.
Historyja pra bojku pačałasia z taho, što Meta pačała stvarać kankurenta Twitter. Kali pra heta stała viadoma, Mask staŭ dražnić Cukierbierha ŭ tvitary.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam5
Kamientary