«Heta słovy vielmi, vielmi značnyja». Donald Tusk pierad zvarotam da polskaha prezidenta ŭspomniŭ pra tvit biełarusa Śluńkina
Kiraŭnik polskaj apazicyi Donald Tusk u svaim vystupleńni pa vynikach parłamienckich vybaraŭ, jakija prajšli ŭ Polščy 15 kastryčnika, siarod inšaha pracytavaŭ dopis u tvitary byłoha biełaruskaha dypłamata Paŭła Śluńkina pra važnaść taho, što adbyłosia ciapier u hetaj krainie
«Mnie 34 hady, ja biełarus, žyvu ŭ vyhnańni ŭ Polščy.
Upieršyniu ŭ svaim žyćci ja ŭbaču mirnuju pieradaču ŭłady. Da apazicyi. Paśla demakratyčnych vybaraŭ. Pry jaŭcy 73% vybarščykaŭ.
Majo pasłańnie vam — šanujcie i abaraniajcie svaju demakratyju. Vy navat ujavić sabie nie možacie, jaki cud u vas jość», — napisaŭ Śluńkin.
Hety dopis sabraŭ bolš za 11 tysiač repostaŭ i 3 miljony prahladaŭ.
«Małady biełarus, jaki znachodzicca ŭ emihracyi tut, u Polščy, jon uciok ad Łukašenki, napisaŭ siońnia da nas, da palakaŭ takija słovy, kab my canili heta, kab dbali, jak tolki možam, pra demakratyju. Jak napisaŭ, pieršy raz u žyćci pabačyŭ niešta takoje, takaja jaho razvaha, što mahčymaja mirnaja pieradača ŭłady, što apazicyja prymaje ŭładu. Heta ŭsio słovy vielmi, vielmi značnyja», — adznačyŭ Tusk.
Paśla hetaha jon źviarnuŭsia da prezidenta Polščy Andžeja Dudy, kab toj jak maha chutčej pryniaŭ adpaviednyja rašeńni i inicyjavaŭ praces stvareńnia novaha ŭrada, kiravanaha ciapierašniaj apazicyjaj. Raniej źjaviłasia paviedamleńnie, što Duda, niahledziačy na ahulnuju pieramohu apazicyi, źbirajecca ŭsio ž taki prapanavać farmavać urad lidaru partyi «Prava i spraviadlivaść» Jarasłavu Kačyńskamu.
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary