«Kab dahadzić biełaruskaj apazicyi». Dźmitryj Šaŭcoŭ aburyŭsia, što rašeńnie pa biełaruskim Čyrvonym Kryžy apublikavali pa-biełarusku
Hienieralny sakratar Biełaruskaha tavarystva Čyrvonaha Kryža Dźmitryj Šaŭcoŭ prakamientavaŭ siońniašniaje rašeńnie Mižnarodnaj fiederacyi tavarystvaŭ Čyrvonaha Kryža i Čyrvonaha Paŭmiesiaca, pavodle jakoha siabroŭstva biełaruskaj arhanizacyi ŭ fiederacyi prypyniajecca z-za admovy zamianić dyskredytavanaha kiraŭnika. Adna z pretenzij była niečakanaj.
Šaŭcoŭ prahnazavana nazvaŭ rašeńnie mižnarodnaj fiederacyi «absalutna palityzavanym» i admoviŭsia pryznavać choć by jakuju-niebudź svaju vinu.
Niečakanym było jahonaje abureńnie tym, što rašeńnie Mižnarodnaj fiederacyi Čyrvonaha Kryža było apublikavana na abiedźviuch dziaržaŭnych movach Respubliki Biełaruś. U najaŭnaści biełaruskamoŭnaj viersii dakumienta jon bačyć ideałahičnuju dyviersiju.
Uvohule infarmacyja ab prypynieńni siabroŭstva ŭ mižnarodnaj fiederacyi biełaruskaj arhanizacyi była apublikavanaja na čatyroch movach — anhlijskaj, ruskaj, biełaruskaj, ukrainskaj. I Šaŭcoŭ bačyć u hetym palityzavanaść:
«Aficyjnyja movy Mižnarodnaj fiederacyi — anhlijskaja, francuzskaja, ispanskaja, arabskaja, techničnaja mova — ruskaja.
Apublikavańnie na ŭkrainskaj i biełaruskaj movach — kab dahadzić ukrainskim uładam, jakija zaklikali [vyklikać] Šaŭcova ŭ Mižnarodny sud, i kab dahadzić biełaruskaj apazicyi, jakaja taksama kryčała, što Šaŭcoŭ udzielničaje ŭ departacyi dziaciej z Danbasa.
To-bok, heta absalutna palityzavanaje rašeńnie, palityzavanaje staŭleńnie da ŭsioj situacyi».
Mižnarodny Čyrvony Kryž prypyniŭ siabroŭstva biełaruskaha tavarystva
Kiraŭnik Biełaruskaha Čyrvonaha Kryža Šaŭcoŭ praciahnie pracu, niahledziačy na parušeńnie normaŭ Mižnarodnaj fiederacyi
Mižnarodny Čyrvony Kryž patrabuje zvolnić Šaŭcova. U vypadku admovy — spynić finansavańnie
«Čyrvony Kryž u Biełarusi — heta nijaki nie niejtralitet». Byłyja vałanciory arhanizacyi raskazali, jak situacyja ŭ joj vyhladaje znutry
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran
Kamientary