Pucin zajaviŭ, što Maskva budzie reahavać na prajavy rusafobii za miažoj
Rasijski kiraŭnik, u pryvatnaści, pieraściaroh kiraŭnictva Łatvii.
Prezident Rasii Uładzimir Pucin zajaviŭ, što sumiesna z Savietam pa pravach čałavieka, Ministerstvam zamiežnych spraŭ i ŭradam Rasii buduć raspracavany sistemnyja miery i pryniata rašeńnie ab tym, jak reahavać na vypadki nibyta prajavy rusafobii i dyskryminacyi rasijskich hramadzian, jakija znachodziacca za miažoj, piša «Sputnik».
Učora adbyłasia sustreča rasijskaha lidara z členami Savieta pa raźvićci hramadzianskaj supolnaści i pravach čałavieka.
«Biezumoŭna, tut patrebnyja niejkija sistemnyja miery…. Davajcie razam z vami, z Savietam pravoŭ čałavieka, razam ź Ministerstvam zamiežnych spraŭ, z uradam Rasii padumajem, jak reahavać na toje, što adbyvajecca», — padkreśliŭ kiraŭnik RF.
Pavodle jaho słoŭ, buduć sfarmulavanyja padychody da hetych pracesaŭ.
«Nie dumaju, što ščaście pryjdzie ŭ dom da tych, chto pravodzić takuju (rusafobskuju) palityku», — skazaŭ Pucin.
U pryvatnaści, jon prajšoŭsia pa kiraŭnictvie Łatvii.
«Ja nie viedaju, kolki ciapier, ale kaliści ŭ Łatvii było 40% ruskamoŭnaha nasielnictva. Napeŭna i ciapier niamała. Kali jany buduć pravodzić takuju palityku ŭ dačynieńni da ludziej, jakija chacieli žyć u hetaj krainie, pracujuć tam, stvarali niejkija vyhody dla hetaj krainy, i ź imi buduć tak pa-śvinsku abychodzicca, to jany sami z takim śvinstvam u adkaz i sutyknucca — unutry svajoj krainy», — skazaŭ Pucin.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2121
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»21
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary