Bajden upieršyniu prakamientavaŭ bajavyja dziejańni ŭ Kurskaj vobłaści
Prezident ZŠA paličyŭ napad USU na Kurskuju vobłaść «dylemaj dla Pucina».
Napad USU ŭ Kurskaj vobłaści pastaviŭ Uładzimira Pucina pierad dylemaj, zajaviŭ prezident ZŠA Džo Bajden, piša RBK.
«Heta stvaraje realnuju dylemu dla Pucina, i my byli ŭ pramym kantakcie, pastajannym kantakcie z ukraincami. Heta ŭsio, što ja źbirajusia skazać pra heta, pakul hetyja dziejańni praciahvajucca», — skazaŭ Bajden.
Krynicy CNN paviedamlali, što dla ZŠA ataka ŭkraincaŭ na Kurskuju vobłaść była niečakanaściu. The Wall Street Journal pisała, što ŭ Vašynhtonie nie ŭźnikła bojazi eskałacyi paśla napadu USU, adnak jość miesca zaniepakojenaści tym, što rasijskija ŭłady mohuć pajści na «žorstkuju adpłatu».
Bajavyja dziejańni ŭ Kurskaj vobłaści praciahvajucca tydzień. Pa źviestkach uładaŭ rehijonu na 12 žniŭnia, ukrainskaja armija kantraluje 28 nasielenych punktaŭ u rehijonie, hłybinia praniknieńnia USU ŭ rehijonie składaje 12 km, šyrynia pa froncie — 40 km (kala 480 kvadratnych kiłamietraŭ).
Hałoŭnakamandujučy USU Alaksandr Syrski zajaviŭ, što pad kantrol Ukrainy pierajšli 74 nasielenyja punkty Kurskaj vobłaści z terytoryjaj 1040 kvadratnych kiłamietraŭ.
Pad kantrol Ukrainy pierajšli 74 nasielenyja punkty Kurskaj vobłaści — Syrski
Ukraina za tydzień zachapiła takuju ž płošču Kurskaj vobłaści, jakuju Rasija zachapiła va Ukrainie z pačatku hoda
Šturm Ciotkina, bai za vioski vakoł Koranieva i na podstupach da Hirjaŭ. Što viadoma pra situacyju ŭ Kurskaj vobłaści na 13 žniŭnia
U Biełharadskaj vobłaści Rasii ŭviali režym nadzvyčajnaj situacyi
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami21
Kamientary