U polski sud nakiravali spravu biełarusa, abvinavačanaha ŭ DTZ z šaściu paciarpiełymi
Polskaja prakuratura zaviaršyła rasśledavańnie i nakiravała ŭ sud spravu ab darožna-transpartnym zdareńni, jakoje adbyłosia 9 červienia 2024 hoda ŭ Varšavie. Abvinavačvajucca dva čałavieki: hramadzianin Biełarusi Hienadź A. i hramadzianin Polščy Michał S., piša Reform.news.
Biełarusa vinavaciać u tym, što, pavaročvajučy naleva na aŭtamabili Toyota, jon nie prapuściŭ BMW, jaki ruchaŭsia na zialonaje śviatło, choć i ź pieravyšeńniem chutkaści — ad 86 da 114 km/h pry dazvolenych 50.
U vyniku sutyknieńnia BMW vylecieŭ na piešachodny pierachod, dzie šeść čałaviek čakali zialonaha sihnała, a jašče piaciora išli pa tratuary. U avaryi paciarpieli šeść čałaviek: adzin atrymaŭ ciažkija traŭmy, troje — siaredniaj stupieni, astatnija — lohkija.
Polskaha kiroŭcu abvinavačvajuć u tym, što jon byŭ za rulom pad uździejańniem narkotykaŭ — u jaho arhaniźmie znajšli kakain — i taksama parušyŭ praviły darožnaha ruchu, što stała pryčynaj avaryjnaj situacyi.
Śledstva ličyć, što biełarus nie byŭ dastatkova ŭvažlivym pry pavarocie i heta stała niepasrednaj pryčynaj avaryi. Pry hetym dziejańni polskaha kiroŭcy taksama paŭpłyvali na situacyju — jon jechaŭ zanadta chutka, čym moh uvieści ŭ zman inšaha šafiora.
Na pieršapačatkovym dopycie biełarus pryznaŭ vinu i daŭ tłumačeńni, ale paźniej admoviŭsia ad pryznańnia viny. Polski hramadzianin taksama svajoj viny nie pryznaŭ.
Biełarusu pahražaje ad 6 miesiacaŭ da 8 hadoŭ pazbaŭleńnia voli. Polskamu kiroŭcu — da 16 hadoŭ za avaryju i dadatkova da 3 hadoŭ za kiravańnie aŭto pad narkotykami.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym13
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary