Цэнтр Гамалеі: «Sputnik V» эфектыўны супраць новых штамаў каранавіруса
Дзяніс Лагуноў, намеснік дырэктара Цэнтра імя Гамалеі, дзе была распрацаваная «Sputnik V» паведаміў, што паўторнае ўвядзенне расійскай вакцыны (рэвакцынацыя) стварае эфектыўную абарону супраць мутацый кавіду, у тым ліку супраць брытанскага і паўднёваафрыканскага варыянтаў.
Вынікі гэтага даследавання расійскія даследчыкі абяцаюць апублікаваць у бліжэйшы час, піша Sky News.
«Sputnik V» з’яўляецца вектарнай вакцынай. Гэта значыць, што бясшкодныя мадыфікаваныя вірусы перадаюць арганізму генетычны матэрыял, які дапамагае выпрацаваць імунітэт супраць інфекцыі.
Падчас рэвакцынацыі выкарыстоўваліся тыя ж адэнавірусныя вектары расійскай вакцыны, што ніяк не паўплывала на высокую эфектыўнасць вакцыны. Некаторыя даследчыкі асцерагаюцца, што арганізм чалавека можа выпрацаваць імунітэт да самога вектара, што ў будучыні зробіць вакцыну неэфектыўнай.
Аднак стваральнікі «Sputnik V» перакананыя, што гэта не стане праблемай у будучыні. Антыцелы да адэнавіруснага вектара, якія могуць зрабіць вакцыну неэфектыўнай, знікаюць з арганізма чалавека ўжо на 56-ы дзень пасля вакцынацыі, як выявілі папярэднія даследаванні.
Памілаваныя 15 чалавек, сярод якіх 13 палітвязняў15
Каментары