Міністр аховы здароўя Дзмітрый Піневіч дапускае, што каранавірус можа вярнуцца восенню ці вясной. Пра гэта ён заявіў у інтэрв'ю SB.by.
«Мы павінны разумець: інфекцыя нікуды не дзенецца. На мой погляд, кавід пяройдзе ў разрад сезонных захворванняў, гэта значыць, будзе актуальны восенню і вясной. Але гэта не падстава расслабляцца. Так, з аднаго боку, штамы становяцца «лягчэйшымі», а з другога — інфекцыя можа спалучацца з грыпам. Таму працягваем актыўна гаварыць пра вакцынацыю», — сказаў ён.
Цяпер, захворванне на кавід складае не больш за 3% ад пікавых значэнняў.
У бальніцах застаецца невялікая колькасць пацыентаў, у асноўным пажылыя і непрышчэпленыя людзі.
Піневіч дадаў, што цяпер даклады па каранавірусе ўжо не з'яўляюцца асноўнымі тэмамі.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары