Сучасны свет навязвае высокі тэмп жыцця і прымушае працаваць на высокай хуткасці. Таму людзі часта адмаўляюцца ад карысных звычак — напрыклад, ад звычкі есці разнастайныя стравы. Якія гэта прынясе наступствы?
Рэгулярнасць у харчаванні — гэта не заўсёды дрэннае рашэнне. Напрыклад, добра, калі вы можаце прымаць ежу ў адны і тыя ж прамежкі дня, калі не прапускаеце сняданак, абед і вячэру. Такая звычка дапамагае рэгуляваць рытм працы арганізма і палягчае некаторыя біяхімічныя працэсы, піша onet.pl.
Можа падацца, што калі есці адны і тыя ж прадукты, гэта таксама карысна для здароўя. Насамрэч гэта не так, нават калі ваш рацыён складаецца з выключна карысных прадуктаў. Аднастайнае харчаванне дрэнна ўплывае на разнастайнасць мікраарганізмаў у кішэчніку, неабходную для здароўя ўсяго арганізма.
Добры спосаб паклапаціцца пра кішэчную мікрафлору — есці 30 розных відаў раслін кожны тыдзень. Гэтая лічба можа здавацца вельмі вялікай, але насамрэч вы маеце выбар з усіх магчымых відаў садавіны, гародніны, арэхаў, злакаў і спецый.
Рэч не толькі ў кішэчных бактэрыях, але і ў харчовай каштоўнасці прадуктаў. На яе ўплывае сезоннасць прадуктаў і ўмовы іх вырошчвання, таму ў розны час года варта есці розную ежу. Навукоўцы сумняваюцца, што можна задаволіць харчовыя патрэбы арганізма, калі заўсёды есці адно і тое ж, але яны не супраць таго, каб вы елі любімую ежу часцей.
Ёсць вельмі карысныя прадукты, якія, калі іх есці шмат, могуць нашкодзіць здароўю. Возьмем, напрыклад, брокалі — у вялікіх колькасцях гэты безумоўна дыетычны прадукт можа выклікаць павелічэнне вагі і запор. Не трэба забываць і пра тое, што занадта вялікае ўжыванне вітамінаў можа мець свае дрэнныя наступствы.
Як жа зрабіць харчаванне больш разнастайным?
- Калі вы маеце любімыя стравы, паспрабуйце іх трохі змяніць. Можна замяніць мучныя прадукты на больш карысныя: напрыклад, замест звычайнага хлеба ўжывайце цэльназерневы, а замест белага рысу — карычневы. Ці замяніце салату і агуркі на зеляніну з больш высокай харчовай вартасцю, напрыклад, на брокалі.
- Дадайце ў свой рацыён бабовыя, бо ў іх шмат карыснага бялку. Калі робіце простыя макароны з соусам баланьезэ, дадайце ў іх фасолю, што значна павысіць харчовую каштоўнасць вашай стравы. Бабовыя асабліва важна ўжываць веганам і вегетарыянцам, бо яны дапамогуць замяніць недахоп бялку.
- Не забывайце ўводзіць у рацыён карысныя тлушчы — ненасычаныя і паліненасычаныя, якія спрыяюць засваенню вітамінаў A, D і Е. Проста дадавайце ў вашы стравы арэхі, насенне і авакада.
- Калі дадаць да сняданку некалькі порцый рознай садавіны, гэта будзе вельмі карысна для харчавання і павялічыць у вашым рацыёне колькасць добрых цукраў. Таксама падумайце над тым, каб дадаваць садавіну да вашых дэсертаў, бо яна зробіць іх смачнейшымі і больш вітаміннымі.
Лічыце гэтыя прадукты здаровымі? Гэта міф
Даследаванне: мужчынам да 40 гадоў нельга піць больш за чарку (не келіх!) піва ў дзень
Цяпер чытаюць
У беларускі ў Італіі забралі двух сыноў — бо яна не прызнавала дзяржаву і не адпускала дзяцей у школу і да доктара1
Каментары
дыстрафаны!