Служба бяспекі Украіны ў расійскім Белгарадзе ліквідавала Аляксандра Слісарэнку, які раней адзначыўся як актыўны прадстаўнік акупацыйнай расійскай адміністрацыі на Харкаўшчыне. Пра гэта паведамляюць адразу некалькі ўкраінскіх СМІ на падставе сваіх крыніц у сілавых структурах.
Так, «Украінская праўда» паведамляе, што колішні намеснік кіраўніка акупацыйнай адміністрацыі Харкаўскай вобласці Аляксандр Слісарэнка быў забіты 16 лістапада ў Белгарадзе. Падрыў аўтамабіля, у якім ён ехаў, па інфармацыі крыніцы выдання, арганізавала Служба бяспекі Украіны.
«Гэты, ужо былы, здраднік калісьці працаваў у органах унутраных спраў Украіны. У 2014 годзе быў актыўным удзельнікам харкаўскага Антымайдана, а ў 2021-2022 гадах ваяваў за т. зв. «ЛНР» у складзе спецпадраздзялення «Рысь». Улетку 2022 года стаў намеснікам кіраўніка акупацыйнай адміністрацыі Харкаўскай вобласці па ўнутранай палітыцы. Датычны да зверстваў расійцаў на акупаванай тэрыторыі.
СБУ выставіла Слісарэнку абвінавачанне ў дзяржаўнай здрадзе, аднак ён не з'явіўся на суд. Таму суд сам прыйшоў да яго. Пра падрыў Слісарэнкі расійскія ўлады маўчаць і сёння», — паведаміў суразмоўца «Украінскай праўды».
Цяпер чытаюць
Бабарыка зоймецца бізнэсам — ужо адкрыў кампанію ў Германіі11
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу13
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары