Адміністрацыя прэзідэнта ЗША Дональда Трампа не накіроўвала расійскаму боку канкрэтных прапаноў па пачатку перамоў аб завяршэнні вайны ва Украіне, якія адпавядалі б інтарэсам Масквы. Такую заяву зрабіў намеснік міністра замежных спраў Расіі Міхаіл Галузін у размове з «РИА Новости».
Каментуючы заявы Захаду і Украіны пра магчымы хуткі пачатак дыялогу, Міхаіл Галузін заявіў:
«Мы падыходзім да такіх заяў рэалістычна. Важна, каб словы падмацоўваліся практычнымі крокамі, якія ўлічваюць законныя інтарэсы Расіі, якія дэманструюць гатоўнасць выкараніць першапрычыны крызісу і прызнаць новыя рэаліі. Канкрэтных прапаноў такога характару пакуль не паступала».
Як сцвярджае выданне The Moscow Times на падставе сцвярджэння сваіх крыніц з ліку высокапастаўленых чыноўнікаў, паміж Крамлём і адміністрацыяй Дональда Трампа кантакт быў усталяваны яшчэ ў лістападзе—снежні 2024 года. У гэты перыяд адбылася першая прамая размова Уладзіміра Пуціна з Трампам.
Крыніца ў расійскім МЗС таксама паведаміла, што Масква разглядае кандыдатуры на ролю галоўнага перамоўшчыка з Вашынгтонам. Паводле звестак крыніцы, гэтую функцыю, хутчэй за ўсё, давераць аднаму з найбліжэйшых паплечнікаў Пуціна: магчыма, чалавеку, які працаваў з ім яшчэ ў Санкт-Пецярбургу.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары