Prakuratura Mahiloŭskaj vobłaści raspačała kryminalnuju spravu ŭ dačynieńni da dyrektara kruhlanskaj PMK № 266 Mikałaja Patrončyka. Jaho napiaredadni zatrymali siłaviki.
Jak paviedamlaje pres-słužba USK pa Mahiloŭskaj vobłaści, Patrončyk abvinavačvajecca ŭ kradziažy šlacham złoŭžyvańnia słužbovymi paŭnamoctvami, ździejśnienym u asabliva bujnym pamiery (č. 4 art. 210 Kryminalnaha kodeksa Respubliki Biełaruś). Jon pa chadajnictvie śledstva źmieščany pad vartu.
«Padčas ŭstanaŭleńnia abstavinaŭ supraćpraŭnych dziejańniaŭ idzie zbor nieabchodnych materyjałaŭ, jakija składajuć asnovu dokaznaj bazy, u tym liku adbirajecca dakumientacyja. Akramia taho, prymajucca miery pa kampiensacyi naniesienaj pradpryjemstvu škody», — paviedamlaje pres-słužba USK.
Zasłužany budaŭnik Biełarusi Mikałaj Patrončyk uznačalvaŭ adno z samych paśpiachovych pradpryjemstvaŭ u Mahiloŭskaj vobłaści — dziaržaŭnuju arhanizacyju «Kruhlanskaja pierasoŭnaja miechanizavanaja kałona № 266» (PMK), dzie pracuje bolš za tysiaču čałaviek.
PMK pabudavała roznyja abjekty ŭ Biełarusi: ad žylla da vytvorčych pamiaškańniaŭ. Arhanizacyja akazvaje nie tolki budaŭničyja pasłuhi. Heta najbujniejšy ŭ rajonie ŭłaśnik nieruchomaści: jamu naležać niekalki handlovych i zabaŭlalnych centraŭ, haścinica, restaran, kramy, a taksama pčalnik, kandytarskaja vytvorčaść, cechi pa vytvorčaści stalarki, mietałakanstrukcyj, šviejnaj pradukcyi i miasapraduktaŭ.
Akramia taho, pradpryjemstva całkam adbudavała małuju radzimu Alaksandra Łukašenki — viosku Aleksandryja i Ladovy pałac u Škłovie. U tym liku PMK zrabiła rezidencyju prezidenta «Aleksandryja-2».
Ciapier čytajuć
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj6
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru11
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru1
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary