Doktar Džejms Chemblin myŭ z myłam tolki ruki i nie karystaŭsia kaśmietyčnymi srodkami. Jon vyrašyŭ pravieryć, jak adsutnaść myćcia paŭpłyvaje na skuru.
Pačałosia ŭsio z taho, što ŭ metach ekanomii jon praanalizavaŭ svaje traty. Vyjaviłasia, što na myła, dezadaranty i parfumy idzie stolki hrošaj.
I jon padumaŭ — raniej ža ludzi ŭvohule imi nie karystalisia i niejak žyli, dyk čamu b nie pasprabavać? Tak pačaŭsia jahony ekśpierymient.
Doktar praciahvaŭ myć ruki z myłam, ale nie karystaŭsia ŭ dušy myłam, hielami dla dušu, a taksama dezadarantami na praciahu piaci hadoŭ. Jon prosta apałoskvaŭ cieła vadoj.
Kniha, jakaja stała vynikam jaho ekśpierymientu — cikavaje vydańnie, jakoje raskazvaje tajamnicy mikrabijoma skury čałavieka, jaho samaha vialikaha orhana. Naša skura, jak i kišačnik, źjaŭlajecca domam dla tryljonaŭ karysnych dla nas mikraarhanizmaŭ, ale my ŭvieś čas zabivajem ich padčas hihijeničnych rytuałaŭ.
Na dumku doktara, čałaviectva zajšło zanadta daloka, i bolšaść zavučanych hihijeničnych rytuałaŭ, jakija pavinny prynosić nam karyść, prynosiać škodu. Choć my jak vid vyžyvali tysiačy hadoŭ biez dezadaranta, raptam my nie možam žyć bieź jaho.
Chemblin adznačaje, što čym bolš my vymyvajem našy naturalnyja mikroby, tym bolš usprymalnymi my stanovimsia da drennych i patahiennych mikrobaŭ, akne, alerhii abo ekzemy. Mnohija z nas traplajuć u cykł samarazbureńnia: my vymyvajem naturalny brud, miarkujučy, što heta lepš dla našaj skury, ale ŭsie hetyja miechanizmy vysušvajuć skuru i pryvodziać da novych dermatałahičnych prablemaŭ.
Adsutnaść myćcia i pachaŭ
Jak źmianiłasia jaho skura biez myćcia i kaśmietyki? Pa-pieršaje, jon nie śmiardzieŭ, jak čakałasia. Pa-druhoje, uzmacniŭsia jaho naturalny pach. Pa-treciaje, jon vyjaviŭ, što, nasupierak ahulnapryniatamu mierkavańniu, fizičnaja aktyŭnaść abaraniaje ad niepryjemnych pachaŭ lepš, čym hultajstva.
Adnym z samych cikavych nazirańniaŭ doktara było toje, što jaho padpachi bolš nie vydavali takoha niepryjemnaha pachu, jak raniej. Koler tvaru taksama palepšaŭ, jon pazbaviŭsia ad akne, i jaho skura pierastała być tłustaj.
Dyk što, pierastać mycca?
Nie chvalujciesia, adkaz doktara — nie, jon dakładna nie rekamienduje ŭsim taki radykalny ekśpierymient.
Adnak jon rekamienduje pierahledzieć svaje hihijeničnyja zvyčki i šafu ŭ vannym pakoi.
Na dumku Chemblina, my biazdumna paddalisia vielizarnaj industryi markietynhu i kultu pryhažości, i bolšaść kaśmietyčnych srodkaŭ, jakimi my karystajemsia, ani nieabchodnyja nam, ani efiektyŭnyja, piša Onet.pl.
Pry vybary kaśmietyki varta rabić staŭku na prostyja i, pierš za ŭsio, naturalnyja pradukty, vyrablenyja z pašanaj da naturalnych mikrobaŭ našaj skury.
Niekatoryja kaśmietyčnyja srodki ŭžo ŭtrymlivajuć na etykietcy infarmacyju pra biaśpieku rečyvaŭ dla mikrabijoma skury. Mikroby — heta pieršaja linija abarony suprać šmatlikich patahienaŭ, jakija sprabujuć praniknuć u arhanizm, tamu nie varta biazdumna ad ich admaŭlacca.
Čytajcie jašče:
Jak časta treba myć hałavu i ci karysnyja kandycyjaniery i maski, tłumačyć miedyk
Nijakaj biassońnicy: prapanujem mietad, ź jakim vy možacie zasnuć za chvilinu
30% inficyravanych ludziej majuć postkavid. Voś u čym jaho niebiaśpieka
Vylecieła ŭ nieviadomym kirunku śpikierka KR Anžalika Mielnikava30
Kamientary