Taksama źjaviłasia niekalki maniet ź sieryi «Architekturnaja spadčyna».
Maniety «Biełaruskaja batlejka» vypuščanyja ŭ dvuch varyjantach: srebnaja i miedna-nikielevaja.
Srebnaja maje maje naminał 50 rubloŭ, masu 67,20 h, probu spłavu 925, pamier 64,00 × 32,00 mm, tyraž 599 štuk;
miedna-nikielevaja maje naminał 1 rubiel, masu 57,70 h, pamier 64,00 × 32,00 mm, tyraž 1 700 štuk.
Maniety majuć prastakutnuju formu, ź piaredniaha i advarotnaha bakoŭ — kant, jaki vystupaje pa pierymietry. Bakavaja pavierchnia maniet z nasiečkaj.
Na aviersie raźmieščana vyjava dvuchjarusnaj batlejki sa scenaj sa śpiektakla «Car Irad», źleva i sprava ad jaje — anioły, jakija hrajuć na muzyčnych instrumientach. U levaj i pravaj častkach maniety raźmieščany pali, zapoŭnienyja stylizavanymi śniažynkami.
Na reviersie — stylizavanaja kaladnaja zorka, jakaja maje ŭstaŭku ź sintetyčnaha kryštala, unizie — nadpis «Batlejka»; źleva i sprava ad batlejki — vieščuny, jakija prynosiać dary niemaŭlaci Isusu.
Paviedamlajecca, što maniety źjaŭlajucca zakonnym płaciežnym srodkam i abaviazkovyja da pryjomu pa naminalnym košcie pry ŭsich vidach płaciažoŭ.
Taksama Nacbank vypuściŭ niekalki maniet ź sieryi «Architekturnaja spadčyna»:
«Troicki kaścioł. Čarnaŭčycy», «Siadziba Čyrvony Bierah», «Lidski zamak», «Uśpienski kaścioł. Mścisłaŭ», «Śviata-Uśpienskaja carkva. Sarja», «Spasa-Praabraženskaja carkva. Zasłaŭje» naminałam 2 rubli, dyjamietram 23,50 mm, vyrablenyja sa stali, pakrytaj miedździu i łatuńniu (kolca), i stali, pakrytaj miedździu i nikielem (siaredzina), masaj 5,81 h, tyražom 25 tysiač štuk kožnaja.
Ciapier čytajuć
Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama4
Kamientary