Bulbianaja babka 

Kab zhatavać bulbianuju babku, vam spatrebicca:

• 1,5-2 kh syroj ačyščanaj bulby
• 1 vialikaja cybulina, narezanaja
• 1 maleńkaja cybulina, naciortaja, pa žadańni
• 250-450 h biekonu, narezanaha nievialikimi kavałačkami
• 1 vialikaje jajka
• 2 stałovyja łyžki śmiatany
• 2 stałovyja łyžki muki
• 1 1/2 čajnaj łyžki soli abo na svoj hust
• 1/2 čajnaj łyžki mołataha čornaha piercu
• dla padačy: śmiatana i zialonaja cybula

Jak hatavać:

1. Razahrejcie duchoŭku da 180 hradusaŭ.
2. Bulbu natrycie na drobnaj tarcy, jak na aładki. (Vy taksama možacie vykarystoŭvać kuchonny kambajn.)
3. Nievialikuju cybulinu taksama natrycie na samyja drobnyja adtuliny tarki i źmiašajcie z užo naciortaj syroj bulbaj.
4. U 25-santymietrovaj čyhunnaj (ci inšaj) patelni hatujcie biekon na siarednim ahni, pakul jon nie stanie załacistym i chrabustkim. Źnimicie biekon z patelni i vykładzicie na talerku, zasłanuju papiarovymi ručnikami.
5. Pakińcie trochi biekonu, kab upryhožyć bulbianuju babku, kali jana budzie hatovaja. Pakińcie trochi tłušču ad biekonu (1-2 stałovyja łyžki), a astatniaje vykińcie. Vialikuju cybulinu parežcie i absmažcie ŭ tłuščy, jaki zastaŭsia ad biekonu, na siarednim ahni, pakul cybula nie stanie miakkaj i źlohku załacistaj pa krajach. Adstaŭcie čyhunnuju patelniu, kab potym u joj zapiačy bulbianuju babku. Nie myjcie jaje. (Kali ŭ vas niama mahčymaści zapiakać u čyhunie, vykarystoŭvajcie zvyčajnuju formu dla zapiakańnia).
6. U vialikuju misku, u jakoj vy nacirali bulbu, dadajcie absmažanyja biekon i cybulu, jajka, muku, 2 stałovyja łyžki śmiatany, sol, mołaty čorny pierac i pieramiašajcie.
7. Z dapamohaj łapatki ci inšaha kuchonnaha načyńnia raźmiarkujcie trochi tłušču ad biekonu pa bakach čyhunnaj patelni (ci formy dla zapiakańnia). Na dnie ŭžo pavinna być dastatkova tłušču.
8. Vykładzicie ciesta ŭ formu i razraŭniajcie jaho pavierchniu. Pastaŭcie ŭ razahretuju duchoŭku i zapiakajcie kala 45 chvilin.
9. Vyšmarujcie vierch bulbianoj babki tłuščam ad biekonu, raspalenym masłam ci alejem. Heta dapamoža zrabić vierchavinu bolš chrumstkaj. Pavialičcie tempieraturu duchoŭki da 230 hradusaŭ i zapiakajcie babku jašče 10-15 chvilin, pakul jana nie stanie załacistaj i chrumstkaj zvonku i nie prasmažycca ŭnutry.
10. Dastańcie z duchoŭki, astudzicie 10-15 chvilin i padavajcie haračaj. Upryhožcie biekonam, narezanaj zialonaj cybulaj i padavajcie sa śmiatanaj. Bulbianuju babku lepš za ŭsio padavać adrazu.

Bolš receptaŭ:

Bulbianaja babka z morkvaj, jak u babuli RECEPT

Taŭkanica, kryšany, harbuzovaja kaša dy inšyja kulinarnyja radaści dziacinstva ŭ Drahičynie

Z čaho varać i jak nazyvajuć tradycyjnyja biełaruskija supy

Sapraŭdnaja biełaruskaja kuchnia: Kalrabi zvyčajnym sposabam

• 25
• 0
• 0
• 3
• 8
• 10
• 12
• 0