Прапануем «карысную» версію пастуховага пірага — дарэчы, яна будзе ідэальнай для дзяцей, асабліва калі яны пераборлівыя ў ежы. Унутры гэтай стравы схавана шмат карысных складнікаў, а атрыманых калорый хопіць на доўгі шпацыр ці нават кароткае падарожжа.
Фота: janinewhitling.com.au
Для ніжняй часткі:
- 1 цыбуліна, дробна парэзаная
- 400 г фаршу з бараніны
- 2 сталовыя лыжкі мукі
- 2 морквы (прыблізна 100 г кожная), абабраныя, дробна нацёртыя
- 2 кабачкі (прыблізна 175 г кожны), абабраныя, дробна нацёртыя
- 400 г кансерваваных нарэзаных памідораў
- 2 сталовыя лыжкі таматнага пюрэ
- 200 мл вады, якая толькі што закіпела
- ½ чайнай лыжкі сушанай сумесі траў
- 1 кубік булёну
- соль і свежамолаты чорны перац
Для верхняй часткі:
- 800 г сопкай бульбы, абабранай і нарэзанай кубікамі
- 50 г масла
- 4 сталовыя лыжкі малака
- 100 г сыру чэдар (ці іншага), нацёртага на буйной тарцы
- 1 невялікая квяцістая капуста (прыблізна 650 г), абрэзаная, без сцёблаў, дробна нацёртая
Як гатаваць:
- Разагрэйце духоўку да 200°C.
- Нагрэйце вялікую патэльню з антыпрыгарным пакрыццём на сярэднім агні. Дадайце цыбулю і фарш і абсмажвайце 8-10 хвілін, рэгулярна памешваючы, пакуль фарш не падрумяніцца.
- Пасыпце фарш мукой і добра перамяшайце. Дадайце моркву, кабачкі, памідоры, таматнае пюрэ, ваду і зеляніну і яшчэ раз перамяшайце. Раскрышыце булённы кубік, прыпраўце соллю і перцам.
- Давядзіце да кіпення, затым варыце 25—30 хвілін, рэгулярна памешваючы, пакуль падліўка не загусне і гародніна амаль цалкам не разварыцца.
- Тым часам давядзіце да кіпення каструлю з вадой. Дадайце бульбу і варыце 15—20 хвілін ці пакуль яна не стане мяккай, але пры гэтым яшчэ не будзе развальвацца.
- Перакладзіце сумесь для начыння ў неглыбокую гарачатрывалую форму аб'ёмам 2 літры і пастаўце гэту форму на бляху.
- Зліце ваду з бульбы і вярніце бульбу ў рондаль. Дадайце масла і разамніце да атрымання аднастайнай масы, затым дадайце малако і палову сыру. Дадайце квяцістую капусту, прыпраўце соллю і перцам. Пры неабходнасці дадайце яшчэ крыху малака.
- Выкладзіце пюрэ на бараніну і раўнамерна размяркуеце. Пасыпце сырам, які застаўся. Запякайце 25-30 хвілін або пакуль сыр не расплавіцца і не стане залаціста-карычневым, а начынне не пачне булькатаць.
А вось рэцэпт пастуховага пірага з ялавічынай: Рэцэпт на выходныя: пастухоў пірог
Больш рэцэптаў:
Лёгкае леча з індычкай. Рэцэпт і сакрэты гатавання
Запяканка з цёртай бульбы з гароднінай
Рэцэпт на выхадныя. Грэчаская запяканка пастыцыа — зорная страва міжземнаморскай кухні
Цяпер чытаюць
Былога беларускага палітвязня судзяць у Літве за падрыхтоўку да забойству расійскага апазіцыянера. Пагражае аж да пажыццёвага6
Каментары