Lemiašonak sa Śviata-Jelizaviecinskaha manastyra: Lepš pamierci, ale zastacca z Boham
Na sajcie Śviata-Jelizaviecinskaha manastyra źjaviłasia pytańnie ad žančyny, jakaja raniej pracavała ŭ hetym manastyry: ci pravilna ciapier, padčas pandemii, chadzić u chram? Na pytańnie daŭ svoj adkaz protaijerej Andrej Lemiašonak.
Čytajcie taksama: Sa Śviata-Jelizaviecinskaha manastyra pastupajuć sihnały pra karanavirus. Raskazvajem pra Andreja Lemiašonka, jaki stvaryŭ hetu impieryju
«Ja słuchała i čytała pra toje, jak Vam bačycca kryzis, źviazany z karanavirusam, i heta vyklikaje ŭ mianie šmat nierazumieńnia. Vy kažacie, u carkvie ŭsio śviatoje, tam zachvareć nielha, u vas jość šmathadovy vopyt pryčaščeńnia ŭ balnicach i h. d. Ale ž zaraz my viedajem, što ludzi chvarejuć i zaražajucca ŭ carkvie. […] Ciapier lubyja bohasłužbovyja teksty možna znajści i malicca doma: čamu nielha hetaha zrabić?» — pytajecca žančyna.
Na pytańnie adkazaŭ nastajaciel chrama, protaijerej Andrej Lemiašonak.
Jon pryznaŭ, što ludzi chvarejuć, u tym liku ŭ chramach, u tym liku śviatary i jepiskapy. Hety virus — nie vyklučeńnie.
«A zarazicca vy možacie ŭsiudy, navat u tak zvanaj samaizalacyi. Ale hublajecca davier da śviatyni», — havorycca ŭ adkazie.
«Na žal, u Carkvie my ŭsie hrešnyja. I kali čałavieku nakanavana zarazicca, jon zarazicca. Rana ci pozna ŭsie my sydziem z hetaha časovaha śvietu. I my viedajem, što terminy našaha žyćcia, znoŭ ža, u rukach Boha — Hałoŭnaha Doktara hetaha śvietu», — piša protaijerej.
Jon adznačaje, što ciapier idzie cisk, za jakim stajać palityčnyja, ekanamičnyja intaresy.
«Ale Carkva pa-za palitykaj i pa-za suśvietnaj ekanomikaj. Carkva słužyć ludziam. I kali ludzi prychodziać u chram, jany prychodziać da Chrysta, a nie da śviatara i navat nie da jepiskapa. Jany prychodziać, kab malicca za svaich blizkich. I pazbaŭlać ich hetaha, ja dumaju, absalutna nierazumna», — havorycca ŭ adkazie.
«Mnie zdajecca, jość niejkija pryncypovyja rečy, ad jakich adstupać nielha, inakš možna stracić Boha. Heta maja pazicyja, i pa-inšamu žyć ja prosta nie mahu. Tady lepš pamierci, ale zastacca z Boham», — napisaŭ nastajaciel chrama.
-
Žurnalist Andžej Pačobut pieranios u turmie apieracyju pa vydaleńni jazvaŭ na skury. Jon pakutuje na hipiertaniju i arytmiju
-
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat
-
U biełaruskich sanatoryjach budzie prachodzić reabilitacyja rasijskich udzielnikaŭ vajny z Ukrainaj
Ciapier čytajuć
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat7
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju1818
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju18
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1212
Kamientary