Na Kanfierencyi ABSIE pa čałaviečym vymiareńni ŭ Varšavie — najbujniejšaj u Jeŭropie kanfierencyi pa pravach čałavieka i demakratyi — abmierkavali situacyju z biełaruskimi palitźniavolenymi. Na plenarnym pasiadžeńni vystupiła, siarod inšych, dačka palitźniavolenaha fiłosafa Uładzimira Mackieviča i pradstaŭnica Centra biełaruskaj salidarnaści Nadzieja Łučanok, paviedamlaje telehram-kanał Biełaruskaha PEN-centra.
«U červieni 2022 hoda Mackieviča asudzili da piaci hadoŭ kałonii ŭzmocnienaha režymu za «hrubaje parušeńnie hramadskaha paradku», «kiravańnie ekstremisckim farmavańniem» i «abrazu Łukašenki» — ale nasamreč jaho pakarali za inšadumstva, za «dumkazłačynstva» ŭ duchu Orueła.
U turmie jon praciahvaje pracavać i pisać. Užo napisanyja dźvie knihi, ale my aścierahajemsia, što ŭłady mohuć kanfiskavać hetyja teksty i jany buduć zhublenyja dla navakolnaha śvietu», — paviedamiła Nadzieja.
Ciapier čytajuć
Ad $475 da $3000 za numar. Jak vyhladaje pieršy luksavy hatel Biełarusi FOTY11
Kamientary