«Davaj jaho dačakajemsia». Biełarusy źniali satyru na žonak mabilizavanych
Prajekt «ČynČynČeneł» vypuściŭ satyryčnaje šou pra žonak mabilizavanych «Davaj jeho doždiomsia». U pieršaj sieryi aktrysy Alena Zuj-Vajciachoŭskaja i Neła Ahrenič raskazvajuć, jak «zastavacca viernaj siabroŭkaj i idealnaj žonkaj, kali vašaha muža paklikali na śviatuju śpiecapieracyju».
Hałoŭnyja hieraini prajekta — viadučaja Anhielina Źviezdapad (Alena Zuj-Vajciachoŭskaja) i «idealnaja žančyna» (Neła Ahrenič), jakaja pakazvaje ŭ videainstrukcyi, jak ža musić siabie pavodzić vydatnaja žonka mabilizavanaha. Da prykładu, jana źbiraje nieabchodnyja rečy dla muža, jaki atrymaŭ pozvu, — nie tolki tušonku dy plašku, ale i čorny pakiet u čałaviečy rost.
Kab padtrymać u mužčynie bajavy duch, idealnaja žonka pierad adychodam jaho na front čytaje jamu Čapajeva. A ŭ dzień adjezda načyščaje jamu biercy svaimi ślaźmi i zmahajecca z błahimi pačućciami praz dumki pra niešta novaje — naprykład, pralnuju mašynu.
Kamientatary aceńvajuć rolik pa-roznamu. Bolšaści jon padabajecca — adznačajuć, što instrukcyju možna choć ciapier pakazvać na BT, bo jana i tak mała adroźnivajecca ad pradziaržaŭnaha kantentu. A jość i tyja, kaho vidavočna začapiŭ humar ad «ČynČynČeneła» — adzin z kamientaroŭ, da prykładu, hučyć tak: «Jakoje paskudstva… Ničoha śviatoha».
«Naša Niva» — bastyjon biełaruščyny
PADTRYMAĆCiapier čytajuć
U Minsku masažyst Andrej tajemna zdymaŭ hołych klijentak27
Kamientary