Samym bahatym horadam śvietu staŭ Ńju-Jork. U hetym miehapolisie pražyvajuć 384 500 miljanieraŭ, 66 ź jakich — miljardery.
Śviežy rejtynh apublikavany kampanijaj Henley & Partners, piša Office Life.
Na druhim miescy pa ŭzroŭni bahaćcia raźmiaścilisia San-Francyska i Kramianiovaja dalina, dzie kolkaść miljanieraŭ składaje 342 tysiačy, a kolkaść miljarderaŭ dasiahnuła 82, što navat pieravyšaje pakazčyki Ńju-Jorka.
U dziasiatku samych zabiaśpiečanych haradoŭ taksama ŭvajšli Tokia (292,3 tysiačy miljanieraŭ i 18 miljarderaŭ), Sinhapur (242,4 tysiačy / 30), Łos-Andželes (220,6 tysiačy / 45), Łondan (178 tysiačy / 23), Paryž (160,1 tysiačy / 22), Hankonh (154,9 tysiačy / 40), Sidnej (152,9 tysiačy / 22) i Čykaha (127,1 tysiačy / 25).
Łondan i Maskva (40-je miesca z 30 tysiačami miljanieraŭ i 23 miljarderami) źjaŭlajucca adzinymi haradami ŭ top-50, jakija za apošniaje dziesiacihodździe pakazali padzieńnie: kolkaść miljanieraŭ u Łondanie skaraciłasia na 12%, a ŭ Maskvie — na 25%.
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary