«Арт Сядзіба» распачынае «Школу арт-мэнэджара» для маладых, актыўных, крэатыўных і творча настроеных людзей, каб навучыць асаблівасцям працы ў сферы культурнага мэнэджмэнту. Дэдлайн падачы заявак — 1 студзеня 2014 года.
«Школа арт-мэнэджара» — гэта новыя веды і ўменні ад майстроў сваёй справы: мэнэджараў у сферы культуры, арганізатараў канцэртаў, спецыялістаў па прасоўванні арт-прадуктаў і іншых.
Да ўдзелу ў Школе запрашаюцца маладыя актыўныя, крэатыўныя і творча настроеныя людзі, які ў будучыні хочуць арганізоўваць свае мерапрыемствы.
За час навучання ўдзельнікі даведаюцца, з чаго пачынаць арганізацыю і правядзенне ўдалага мерапрыемства, як падабраць добрую пляцоўку для канцэрта, як правільна ствараць афішы, як эфектыўна правесці інфармацыйную і рэкламную кампаніі і шмат іншага. На семінары будуць прыходзіць не толькі лектары, але і цікавыя госці — аўтары крэатыўных культурных праектаў, якія падзеляцца сваім досведам са студэнтамі Школы.
Пасля пройдзенага курса навучэнцы змогуць правесці свае мерапрыемствы пры падтрымцы «Арт Сядзібы».
Па выніках Школы будзе зняты дакументальны фільм «Ад ідэі да падзеі — 2», які раскажа пра тое, як ідэі ўдзельнікаў Школы ператварыліся ў рэальнасць.
Падаць заяўку на «Школу арт-менеджара» можна на сайце. Удзел ва ўсіх мерапрыемствах Школы бясплатны. Арганізатары не кампенсуюць выдаткі на праезд і пражыванне ўдзельнікам з іншых гарадоў. Свае пытанні накіроўвайце на e-mail: [email protected].
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі5
Каментары