У Брэсцкім Музеі выратаваных каштоўнасцяў (вуліца Леніна, 39) працуе выстава твораў Ніны Мацяш «Паэзія птушыных пёрак…».
Паэтэса і перакладчыца Ніна Мацяш доўгія гады была прыкаваная да інваліднага вазку. Увесь гэты час актыўна займалася творчасцю. У тым ліку захаплялася фларыстыкай. Але век твораў з кветак быў нядоўгі: яны хутка бляклі.
У нейкі момант Мацяш звярнула ўвагу на яркага пеўня. Пасля чаго вырашыла выкарыстаць фарбы птушаных пёрак для сваёй творчасці.
У Белаазёрску, на сваёй радзіме, паэтэса нават лічылася пачынальніцай такога накірунку як «пёркаграфіка».
Асобныя творы паэтэса пакідала ў сямейным архіве. Некаторыя дарыла. А часам нават выкарыстоўвала іх у якасці ілюстрацый (так была аформлена кніга «Поры году» - пераклады з бельгійскай паэзіі).
Больш за сотню твораў Мацяш будуць прадстаўлены на выставе каля тыдня.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі5
Каментары