У Польшчы ствараецца арганізацыя, якая аб’яднае былых беларускіх палітвязняў. Пра гэта падчас дыскусіі «Палітзняволеныя ў Беларусі для сусвету, праваабаронцаў і СМІ», якая адбылася 11 чэрвеня ў прасторы «Пад жырандоляй» у Варшаве, заявіў былы палітычны зняволены Аляксандр Кабанаў.
«Сёння ўжо магу паведаміць у якасці афіцыйнай інфармацыі, што будзе новая арганізацыя былых палітзняволеных. Вядзецца праца над тым, каб яна была афіцыйна зарэгістраваная», — сказаў Аляксандр Кабанаў.
Як удакладніў «Белсату» сябра ініцыятыўнай групы стварэння арганізацыі, былы палітзняволены Алег Кулеша, засноўвае яе суполка былых палітвязняў у замежжы, якая налічвае больш за 70 чалавек і якая «з кожным днём павялічваецца».
Кулеша мяркуе, што новае грамадскае абʼяднанне будзе афіцыйна зарэгістравана ўжо ў ліпені. Цяпер удзельнікі суполкі абмяркоўваюць, як дакладна будзе называцца новая арганізацыя. У размове Алег Кулеша называе яе Асацыяцыяй былых палітвязняў.
«Нашая мэта — дапамога палітвязням. Не кажу «былым», бо палітвязень — гэта назаўжды. Людзі, якія прайшлі праз катаванні, разумеюць, што ніхто лепей не будзе нас бараніць, як мы самі сябе. Маем разуменне, што трэба рабіць і як трэба рабіць, бо самі праз усё гэта прайшлі», — кажа Алег Кулеша.
У аргкамітэт уваходзіць прадстаўніца Абʼяднанага пераходнага кабінета па сацыяльных пытаннях Вольга Гарбунова, якая ў свой час і ініцыявала стварэнне суполкі былых палітвязняў.
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары