Аляксандр Літвін, старшыня рады дырэктараў і брат саўладальніка «Еўрагандлю», быў затрыманы падчас налёту на кампанію.
Суразмоўца «Нашай Нівы», блізкі да аднаго з супрацоўнікаў цэнтральнага офісу «Еўрагандлю», паведаміў, што частка топ-менеджараў кампаніі вярнулася на працу.
У мэтах канфідэнцыйнасці было названа толькі адно канкрэтнае імя — старшыні рады дырэктараў «Еўрагандлю» Аляксандра Літвіна, роднага брата аднаго з бенефіцыяраў кампаніі Сяргея Літвіна. Гэта, маўляў, адзін з тых, хто дакладна быў затрыманы на мінулым тыдні ў Мінску.
Па словах суразмоўцаў, Аляксандр Літвін ужо на працы. Можна меркаваць, такім чынам, што старшыня дырэктарскай рады «Еўрагандлю» правёў у ізалятары 72 гадзіны — трое сутак.
Нагадаем, 15 мая быў затрыманы шэраг топ-менеджараў «Еўрагандлю» — юрыдычнай асобы, якая валодае сеткай крамаў «Еўраопт». Гэта самае вялікае прыватнае прадпрыемства ў краіне.
Уваход ДФР, па словах сведкаў, адбываўся з «маскі-шоу» і выламліваннем дзвярэй. Кіраўніцтва органы нібыта забралі з сабой, а персанал меншага калібру пакінулі на волі.
Прычына прэтэнзій дзяржавы дагэтуль невядомая, дзяржаўныя СМІ нічога па гэтай тэме не публікавалі.
Пасля стала вядома, што следам за «Еўраоптам» ператрусы адбыліся і ў «Дабраноме».
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары
твоиляхи Кочановой?!Вместе с которой стоя в общественном месте распевал красно-зелёный гимн...