Z-блогер, які заклікаў да ўсеагульнай мабілізацыі, сам уцёк з фронту
Расійскага Z-блогера Ягора Гузенку, вядомага пад пазыўным «Трынаццаты», абвясцілі ў вышук пасля таго, як ён самавольна пакінуў месца службы. Пра гэта паведаміў журналіст Дзяніс Казанскі, апублікаваўшы арыенціроўку, у якой пазначана, што Гузенка шукаецца за самавольнае пакіданне вайсковай часці і ўхіленне ад выканання абавязкаў вайсковай службы.
6 ліпеня ў тэлеграм-канале блогера з'явілася паведамленне, што ён «не будзе на сувязі каля двух тыдняў». Украінскі бок заявіў пра гатоўнасць гарантаваць яму бяспечны калідор і, пры жаданні, магчымасць працягнуць службу ва Узброеных сілах Украіны.
Раней Гузенка неаднаразова крытыкаваў прэзідэнта Расіі Уладзіміра Пуціна і выступаў за ўсеагульную мабілізацыю, а таксама заклікаў афіцыйна абвясціць вайну Украіне.
Увосень 2024 года яго арыштавалі паводле абвінавачання ў прымяненні гвалту да прадстаўніка ўлады. Каб выйсці з СІЗА, ён падпісаў кантракт з Міністэрствам абароны Расіі і быў накіраваны на вайну супраць Украіны.
У красавіку 2026 года блогер зноў раскрытыкаваў расійскія ўлады — гэтым разам за адключэнні мабільнага інтэрнэту. Пасля гэтага ў ягоным канале паведамілі, што яго адправілі ў так званы «мясны штурм».
У маі ў інтэрнэце з'явілася відэа, на якім Гузенка знаходзіцца ў стане алкагольнага ап'янення падчас службы. На запісе ён прызнае, што ўжываў гарэлку і падманваў камандзіра. Сам блогер сцвярджаў, што відэа было знята раней, а яго распаўсюджванне звязваў з канфліктам з падраздзяленнем «Ахмат». Ён таксама заяўляў, што яго не адпраўлялі на «забой» і што камандаванне ўлічвае стан яго здароўя пры вызначэнні службовых задач.
Вядомага Z-блогера, які раскрытыкаваў Пуціна за адключэнне інтэрнэту, адправілі ў мясны штурм
«Адбітыя ныркі — самае лёгкае». Z-блогер «Трынаццаты» заявіў, як яго катавалі ў СІЗА з-за канфлікту з «Ахматам»
Z-блогер «Трынаццаты», які крытыкаваў Мінабароны і Крэмль, замест суда паедзе на вайну
На расійскага ваеннага блогера «Трынаццатага» завялі крымінальную справу
У Расіі жорстка затрымалі ваеннага блогера «Трынаццатага»
«Усё, што цяпер адбываецца, гэта здрада. Здраднікі сядзяць у Крамлі». У Расіі ўзбунтаваўся Z-блогер
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе11
Каментары