Recept na vychadnyja. Miasny chleb — niezvyčajnaja strava, a lohka hatujecca
Miasny chleb — kłasika niamieckaj, šviejcarskaj i aŭstryjskaj kuchni. Čaściej za ŭsio jaho jaduć z sałodkaj harčycaj i chlebam, ale varyjantaŭ padačy hetaj stravy moža być biaskonca šmat.
Fota: BBC Food
Kab zrabić miasny chleb sa śvininy, vam spatrebicca:
- 1 stałovaja łyžka aleju
- 1 drobna narezanaja vialikaja cybulina
- 1 zdrabniony zubok časnyku
- 500 hramaŭ śvinoha faršu abo sumieś sa śvinoha i jałavičnaha faršaŭ
- 175 hramaŭ śviežych panirovačnych sucharoŭ (pažadana ź biełaha chleba)
- 1 stałovaja łyžka sušanaha majaranu abo 2 stałovyja łyžki narezanaha śviežaha majaranu
- 1 čajnaja łyžka nasieńnia kmienu
- 1 čajnaja łyžka marskoj soli
- 1 čajnaja łyžka mołataha čornaha piercu
- 2 jajki (treba ich uźbić)
- 500 mililitraŭ jałavičnaha bulonu (pažadana śviežaha)
- 150 mililitraŭ śmiatany
- śviežy majaran dla azdableńnia (pa žadańni)
- Razahrejcie duchoŭku da 190 hradusaŭ.
- Razahrejcie alej u vialikaj patelni i smažcie ŭ joj cybulu na praciahu 5 chvilin abo pakul jana nie pamiakčeje, pieryjadyčna pamiešvajcie. Dadajcie časnyk i smažcie jašče chvilinu, pastajanna pieramiešvajcie.
- Pakładzicie cybulu i časnyk u vialikuju misku i dadajcie farš, 150 hramaŭ panirovačnych sucharoŭ, majaran, kmin, sol i pierac. Usio dobra pieramiašajcie čystymi rukami, dadajcie ŭźbityja jajki i znoŭ pieramiašajcie. Sfarmujcie z sumiesi šar.
- Pakładzicie šar u centr tryvałaj formy dla zapiakańnia i sfarmujcie ź jaho doŭhi bochan vyšynioj kala 4 santymietraŭ. Pasypcie jaho reštkami sucharoŭ — ich treba budzie trochi ŭcierci ŭ pavierchniu bochana. Vylicie ŭ formu vakoł bochana 300 mililitraŭ bulonu.
- Vypiakajcie bochan u centry duchoŭki 20 chvilin, potym vylicie reštki bulonu ŭ formu i vypiakajcie chleb jašče 10 chvilin da hatoŭnaści. Akuratna pierakładzicie jaho na razahretuju talerku i nakryjcie folhaj.
- U našaj formie dla zapiakańnia zastałosia trochi bulonu — zrobim ź jaho smačny soŭs dla chleba. Pastaŭcie formu z reštkami bulonu na siaredni ahoń i tušycie sumieś u formie niekalki chvilin, pakul jaje nie stanie našmat mienš — u vyniku ŭ vas pavinna atrymacca kala 100 mililitraŭ vadkaści. Dadajcie śmiatanu i pastupova ŭsio padahrejcie, pieramiešvajučy ŭvieś čas, potym zapraŭcie na smak sollu i piercam.
- Pracadzicie sous praź sita.
- Azdobcie miasny chleb śviežym majaranam, kali jon u vas jość, i padavajcie jaho z haračym sousam.
«Našu Nivu» finansujuć jaje čytačy — padtrymać prosta
Čytajcie taksama:
Recept na vychadnyja: novy padychod da zvykłaj hrečaskaj sałaty
Jak treba charčavacca, kab pravilna stareć
Ciapier čytajuć
Novym śpikieram Kaardynacyjnaj rady, chutčej za ŭsio, stanie Arciom Bruchan6
Kamientary