Voś što kažuć daktary.
Pra prafiłaktyku dziciačaj blizarukaści raskazała hałoŭny pazaštatny dziciačy aftalmołah Ministerstva achovy zdaroŭja Viktoryja Krasilnikava.
Suśvietnaja tendencyja ŭ prafiłaktycy — praviła 20-20-20. Jaho sutnaść u tym, što paśla 20 chvilin intensiŭnaj zrokavaj nahruzki dajecca 20 chvilin inšaj dziejnaści, jakaja dazvalaje vačam adpačyć. Apošniaja ličba 20 aznačaje rekamiendavanuju adlehłaść pamiž vačyma i knihaj u 20‑30 santymietraŭ.
Asabliva hetaha praviła nieabchodna prytrymlivacca pry vykarystańni roznych hadžetaŭ.
Važna nie čytać i nie hulać z hadžetami ležačy, u transparcie ci ŭ mašynie. Jak tłumačyć śpiecyjalist, u takich situacyjach našy myšcy nie mohuć pastajanna trymać knihu ci elektronnuju pryładu na adnoj i toj ža adlehłaści, što stvaraje dadatkovuju nahruzku na vočy.
Aftalmołah źviartaje ŭvahu na toje, što čytańnie z hadžetaŭ bolš škodnaje, čym čytańnie knih. Knihi, asabliva padručniki i knihi dla dziaciej, adpaviadajuć standartam da pamieru tekstu, kantrasnaści, adlehłaści pamiž radkami, śvietłaści papiery. U hadžetaŭ takoha niama. Tamu na makularnuju zonu pry vykarystańni hadžetaŭ idzie bolšaja nahruzka, u vyniku joj treba bolš času na adpačynak. Najbolšuju niebiaśpieku ŭjaŭlaje čytańnie z telefona.
U pierapynku pamiž padrychtoŭkaj urokaŭ nielha hulać z hadžetam. Pierapynak varta zapoŭnić inšym vidam nahruzki — aŭdyja ci fizičnaj. Nieprafiesijnyja zaniatki sportam, adznačaje aftalmołah, vielmi važnyja dla prafiłaktyki blizarukaści.
Akramia hetaha, adpaviedna apošnim suśvietnym rekamiendacyjam, kožny dzień dzicia pavinna vychodzić na prahułku minimum na adnu hadzinu. Lepš, kab dzieci znachodzilisia na vulicy (asabliva viasnoj i letam) da dźviuch hadzin.
Kamientary
heta spadčynnaje