2013 год у Беларусі быў адзначаны з’яўленнем немалой колькасці падзей, прысвечаных тэме паўстання 1863—1864 гг. і постаці Кастуся Каліноўскага, што ў значнай ступені звязана з «юбілейнасцю» гэтага года (150 гадоў паўстання).
15 снежня Грамадзянская культурна-гістарычная кампанія «1863» праводзіць канферэнцыю, на якой шырокай публіцы будуць прэзентаваныя напрацоўкі, культурныя артэфакты, якія з’явіліся ў межах кампаніі ў 2013 годзе. Такім чынам арганізатарам і куратарам праекта хацелася б яшчэ раз акцэнтаваць увагу на такой важнай для беларускай гісторыі падзеі. У праграме — віртуальныя экскурсіі-прэзентацыі «Паўстанне-1863. Вілейшчына» і «Паўстанне-1863. Слонімшчына»; сустрэчы-гутаркі з аўтарам і рэалізатарам ідэі «Коміксаў пра паўстанне» Анатолем Івашчанкам і Уладзімірам Дрындрожыкам, размова пра кнігу Генадзя Кісялёва «Смак Беларушчыны»; прэзентацыя адноўленых паўстанцкіх строяў, уручэнне экскурсійных матэрыялаў беларускім ліцэнзаваным гідам, а таксама смыковая музыка шляхецкіх падворкаў сярэдзіны ХІХ ст. у выкананні капэлы Алеся Лася.
Прэзентацыя будзе праходзіць у залі кавярні «Лофт» (П. Броўкі, 22), пачатак у 11.30 (рэгістрацыя ўдзельнікаў — у 11.00).
Калі вас зацікавіла падзея і вы хацелі б далучыцца да ўдзелу, просім даслаць заяўку (у вольнай форме) на адрас нашага каардынатара: [email protected] +375297422040 (Юлія Галіноўская)
Праграма канферэнцыі (папярэдняя):
11.00 — 11.30 — рэгістрацыя ўдзельнікаў.
11.30 — 12.00 — уступнае слова арганізатараў і куратараў праекта: Васіль Грынь, Улад Вялічка.
12.00 — 12.30 — Віктар Сырыца. Анатацыя праекта «Мілавідская бітва — 1863. Памяць пра паўстанне».
12.30 – 13.00 – Цімафей Акудовіч. Віртуальная экскурсія-прэзентацыя «Паўстанне-1863. Вілейшчына».
13.00 – 13.20 – смыковая музыка шляхецкіх падворкаў сярэдзіны ХІХ ст.
13.20 – 13.40 – кава-паўза
13.40 – 14.10 — прэзентацыя паўстанцкіх строяў (фотапрэзентацыя – аснова аднаўлення, жывая прэзентацыя строяў паўстанцаў).
14.10 – 14.40 – В. Грынь. Прыклад супрацоўніцтва ініцыятыў: выданне кнігі Г. Кісялёва «Смак Беларушчыны».
14.40 – 15.10 – Ц. Акудовіч і Д. Юрчык. Віртуальная экскурсія-прэзентацыя «Паўстанне-1863. Слонімшчына».
15.10 – 15.40 – Анатоль Івашчанка. Коміксы пра паўстанне: Ідэя і гісторыя рэалізацыі. Мастак-графік Уладзімір Дрындрожык – гісторыя з’яўлення малюнкаў.
15.40 – 16.00 – уручэнне камплектаў матэрыялаў па экскурсіях беларускім ліцэнзаваным гідам.
16.00 – 16.30 – смыковая музыка ХІХ ст., нефармальная камунікацыя.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі5
Каментары