Акадэмік Рубінаў: «Беларусь ніколі не мела дзяржаўнай самастойнасці»
Былы спікер Савета Рэспублікі акадэмік Анатоль Рубінаў на старонках газеты «СБ. Беларусь сегодня» паразважаў пра лёс нашай краіны: пра яе мінулае, цяперашні час і будучыню. Паводле Рубінава, «за ўсю сваю шматвяковую гісторыю Беларусь ніколі не мела дзяржаўнай самастойнасці». У ВКЛ ён не бачыць нічога беларускага, а Рэч Паспалітая была прыгнятальніцай беларусаў. Пра Полацкае ці Тураўскае княствы няма нават згадкі.
Анатоль Рубінаў адзначае, што працэс паланізацыі беларусаў змяніўся русіфікацыяй. Пасля была БНР, дзеячы якой «раболепствовали» перад нямецкім кайзерам, а вось БССР ён ацэньвае станоўча, як прыступку для стварэння ў будучыні беларускай дзяржавы.
Рубінаў нагадвае, што беларусы ў 1990 годзе прагаласавалі за захаванне СССР, але саюз разваліўся. І тут, «у запале ўспыхнуўшых жарсцяў беларускі парламент таксама прагаласаваў за аб'яўленне незалежнасці Беларусі». Хаця ніякай незалежнасці не было, сцвярджае акадэмік, бо «Беларусь на ўсе 100 адсоткаў залежала ад Расіі». І толькі ў 1994 годзе пасля таго, як Аляксандр Лукашэнка стаў прэзідэнтам, «у Беларусі пачаўся працэс планамернага будаўніцтва ўласнай дзяржаўнасці».
У канцы вялікага артыкула акадэмік Анатоль Рубінаў заклікае даверыць Аляксандру Лукашэнку «і далей весці нашу краіну». Ён лічыць, што гэта дапаможа захаваць Беларусь.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары