4 кастрычніка ў Гомельскім абласным судзе адбудзецца разгляд справы Віталя Сяргеевіча Краўцова. Чалавек з менавіта такімі данымі быў да нядаўняга дырэктарам Светлагорскай агародніннай фабрыкі, піша «Штодзень».
У чэрвені 2022-га гэтаму гаспадарніку нават выдалі падзяку за шматгадовы і значны ўнёсак ад Светлагорскага райвыканкама. Цяпер былога дырэктара абвінавачваюць у атрыманні хабару (арт. 430 ч. 2) і службовым падлогу (арт. 430 ч. 1).
Агароднінная фабрыка месціцца ў вёсцы Якімава Слабада Светлагорскага раёна, якая фактычна прылягае да камбіната па вытворчасці беленай цэлюлозы. Яна мае 665 га адкрытага і 6 га закрытага грунту і вырошчвае бульбу, часнок, моркву, цыбулю і іншую гародніну.
У 2022 годзе агароднінную фабрыку далучылі да цэлюлозна-кардоннага камбіната. Як тлумачылася на сайце Камітэта дзяржаўнай маёмасці Гомельскага аблвыканкама, «у працэсе вытворчасці беленай цэлюлозы выкарыстоўваюцца градзірні для ахалоджвання тэхналагічнай вады да тэмпературы 30-40 градусаў. Тэмпература вады на градзірні 70-80 градусаў. Калі атрыманую энергію выкарыстоўваць як другасны рэсурс, гэта дазволіць цалкам замяніць энергію, якую набывае «Светлагорская агароднінная фабрыка», і знізіць сабекошт гародніны ў 2 разы».
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары