Свята-Елісавецінскі манастыр шле лісты каталіцкім грамадам у Еўропе. Іх змест вас здзівіць
Свята-Елісавецінскі манастыр рассылае лісты каталіцкім грамадам Заходняй Еўропы, якімі спрабуе пераканаць, што, маўляў, не падтрымлівае Расію ў вайне супраць Украіны.
Аўтары ліста сцвярджаюць, што інфармацыя пра куплю дронаў і аўтамабіляў для расійскага войска ў манастыры хлуслівая. У тэксце сказана, што манастыр не займае нічый бок у вайне і не дапамагае вайскоўцам, паведамляе «Хрысціянская візія».
У манастыры запэўніваюць, што дапамагаюць толькі сіротам, бяздольным і беднякам. Толькі некаторыя манашкі, як сцвярджаецца, удзельнічаюць у гуманітарнай місіі і дапамагаюць ахвярам вайны.
Аўтары ліста просяць «не верыць паклёпу, які распаўсюджваецца ў дачыненні да манастыра» і «захоўваць дух сяброўства паміж праваслаўнымі і каталікамі».
Журналісты раней неаднаразова знаходзілі доказы дапамогі, якую аказвае манастыр расійскім вайскоўцам. На грошы, сабраныя ў ім, закупляліся ў тым ліку аўтамабілі для расійскай арміі. Акрамя таго, у манастыры праходзілі выставы, прысвечаныя расійскім «героям СВА», а таксама хросныя хады і канцэрты з Z-сімволікай ды расійскімі сцягамі.
У Свята-Елісавецінскім манастыры зноў правялі хрэсны ход з расійскімі сцягамі, Z і сцягамі НОД
Як былы хіпі стаў на чале манастыра. Гісторыя адыёзнага святара Андрэя Лемяшонка
Як Свята-Елісавецінскі жаночы манастыр ператварыўся ў сапраўдны бізнэс-холдынг
Расійскія вайскоўцы ва Украіне падзякавалі за дапамогу некалькім беларускім манастырам. Сярод іх тыя, якія раней не свяціліся
«Я не ведаю, хто і каго выбірае». Праўладны святар Андрэй Лемяшонак спадзяецца, што замест яго нехта прагаласуе
Завадчанін Ігар, які вяртаўся дадому бухім, упершыню ў жыцці едзе за мяжу. А яшчэ ён халасты6
Каментары