Вярхоўныя вайсковыя ўлады Судана прапанавалі Расіі пагадненне, якое, калі будзе рэалізавана, дазволіць ёй мець першую вайскова-марскую базу ў Афрыцы і кантраляваць важныя гандлёвыя шляхі Чырвонага мора. Пра гэта суданскія чыноўнікі расказалі The Wall Street Journal.
Паводле ўмоваў прапанаванага пагаднення, Расія зможа размясціць да 300 сваіх вайскоўцаў і да чатырох вайсковых караблёў, уключаючы атамныя, у Порт-Судане або іншым месцы, карыстаючыся тэрыторыяй на працягу 25 гадоў. Акрамя таго, Судан гатовы адкрыць доступ да здабычы карысных выкапняў для расійскіх кампаній.
Узамен улады краіны, якая з 2023 года ахопленая грамадзянскай вайной, разлічваюць атрымаць ад Расіі сучасныя сістэмы СПА і іншае ўзбраенне на льготных умовах. Як адзначае WSJ, Масква ўжо пяць гадоў імкнецца атрымаць пастаянны доступ да Порт-Судана, але суданскі ўрад да гэтага часу ўстрымліваўся ад поўнага пагаднення.
Ідэя стварэння расійскай базы на суданскім узбярэжжы абмяркоўваецца з 2017 года. У 2020 годзе бакі падпісалі пагадненне аб размяшчэнні пункта матэрыяльна-тэхнічнага забеспячэння ВМФ Расіі, але паставак узбраення тады не прадугледжвалася. У лютым 2025 года міністр замежных спраў Судана заявіў пра поўнае паразуменне бакоў па стварэнні базы, але ў лістападзе расійскі пасол паведаміў, што вайсковы канфлікт у краіне прыпыніў гэтае будаўніцтва.
Калі пагадненне будзе рэалізавана, Расія ўмацуе свае пазіцыі ў Афрыцы і атрымае стратэгічныя перавагі. Гэта выклікае заклапочанасць у ЗША, якія імкнуцца не дапусціць кантролю Расіі і Кітая над афрыканскімі партамі. База ў Чырвоным моры дазволіць расійскім караблям даўжэй знаходзіцца ў Міжземным моры і Індыйскім акіяне, а таксама сачыць за рухам праз Суэцкі канал, што складае каля 12% сусветных гандлёвых перавозак.
Суданскія крыніцы адзначаюць, што супрацоўніцтва з Масквой можа ўскладніць Судану адносіны з ЗША і ЕС. Раней Хартум адмовіўся ад прапановы Ірана стварыць у краіне вайскова-марскую базу, каб не сапсаваць адносіны з ЗША і Ізраілем.
У Судане паўстанцы збілі самалёт з беларускім вайсковым лётчыкам. Вось што пра яго вядома
У Судане паўстанцы пагадзіліся на гуманітарнае перамір’е па прапанове ЗША і арабскіх краін. Урад супраць
«Расія падобная да вады». Як расійская прапаганда непрыкметна заваёўвае аўдыторыю ў Афрыцы і Лацінскай Амерыцы
У Судане збілі самалёт Арабскіх Эміратаў з дзясяткамі калумбійскіх наймітаў на борце
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары
Меншь грошай у расеі - дзе мінусы?
А што там чырвонае мора кантраляваць, яно ж вузкае. Вунь хусіты таксама кантралююць - і як ім там жывецца?