Улады плануюць увесці спіс відаў дзейнасці, якімі могуць займацца ІП. Сам спіс пакуль абмяркоўваецца, але Міністэрства эканомікі падлічыла, колькі ІП змены закрануць.
Паводле ацэнак Мінэканомікі, згарнуць бізнэс альбо перааформіцца ў юрыдычную асобу будуць вымушаныя 49 тысяч іпэшнікаў. Раней ведамства меркавала, што рэформа закране 100 тысяч, прыводзіць лічбы Бізнэс-саюз прадпрымальнікаў і наймальнікаў імя Куняўскага.
У ІП, чые віды дзейнасці не трапяць у дазволены пералік, будзе 2-гадовы перыяд, на працягу якога яны змогуць працягваць бізнэс. Далей прыйдзецца зрабіць выбар: спыніць працу альбо стварыць юрыдычную асобу. У другім выпадку прапануюць спрошчаны парадак перарэгістрацыі, які забяспечыць пераход усіх правоў і абавязацельстваў ад індывідуальнага прадпрымальніка да юрыдычнай асобы. Сярод опцый — магчымасць зарэгістраваць фірму па месцы жыхарства або рэгістрацыя без змянення кошту камунальных паслуг, што выплачваюцца ўласнікам жылога памяшкання.
Чакаецца, што праект закона «Аб змяненні законаў па пытаннях прадпрымальніцкай дзейнасці» будзе разгледжаны Парламентам у верасні ў другім чытанні.
Памілаваны і дэпартаваны ўкраінец Катовіч расказаў, за якую абразу на яго пакрыўдзіўся Лукашэнка1
Каментары