Сустрэча дзяржсакратара ЗША Марка Рубіа і міністра замежных спраў Расіі Сяргея Лаўрова адкладзеная, прынамсі пакуль што, паведамляе CNN са спасылкай на прадстаўніка Белага дома.
Адна з крыніц таксама паведаміў, што пасля тэлефоннай размовы Рубіа з Лаўровым афіцыйныя асобы лічаць, што пазіцыя РФ недастаткова прасунулася далей свайго максімалісцкага курсу (што датычыцца пытання Украіны).
Таксама крыніцы паведамілі, што Рубіа наўрад ці будзе рэкамендаваць правядзенне сустрэчы Пуціна і Трампа на наступным тыдні.
У той жа час, паводле слоў крыніцы, дзяржсакратар ЗША і кіраўнік МЗС РФ могуць ізноў пагаварыць на гэтым тыдні.
Тым часам Сяргей Лаўроў заявіў, што Расія гатовая да супрацоўніцтва з краінамі Захаду і Еўропы толькі пры ўзаемным жаданні, паведамляе крамлёўскі тэлеграм-канал «Пул №3».
«Нам кажуць, што мы адгароджваемся. Гэта не так. Калі б усё было сумленна, то і спорт, і мастацтва былі б па-за палітыкай. Але ж там забараняюць гастролі нашых вялікіх музыкантаў, оперных выканаўцаў толькі таму, што яны з Расійскай Федэрацыі. Не было б шчасця, ды няшчасце дапамагло», — сказаў міністр.
Лаўроў заявіў таксама, што Расія не пакінула сваіх суайчыннікаў ва Украіне «на волю лёсаў, што вызначаюцца Захадам, мы яшчэ і зразумелі цану ўсяго таго, што Захад нам «прапаноўваў», і наколькі «надзейным» партнёрам ён з’яўляецца».
«Мы з адкрытымі абдымкамі гатовы супрацоўнічаць з усімі, хто будзе рабіць гэта на аснове раўнапраўя, узаемнай павагі, а не шляхам дыктату. А калі нам кажуць, маўляў, «так і быць, сюды мы вас запрашаем», «тут можаце сцяг падняць, а тут ніякага гімна не будзе», то гэта зневажальна. Але я ўсё роўна разумею спартоўцаў, якія едуць і перамагаюць. Яны годна сябе паводзяць. Гэта не іх віна», — дадаў ён.
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?15
Каментары