U ZŠA sudziać aficera, jaki vydavaŭ vajskovyja tajamnicy «ŭkraincy» z sajta znajomstvaŭ
U ZŠA sudziać byłoha vajskovaha aficera, 64-hadovaha Devida Ślejtara, jaki pieradavaŭ sakretnuju infarmacyju nibyta žančynie z sajta znajomstvaŭ, jakaja pradstaŭlałasia ŭkrainkaj, piša AP.
Devid Ślejtar pracavaŭ u Vajskova-pavietranych siłach ZŠA jak cyvilny śpiecyjalist i mieŭ dostup da infarmacyi pad hryfam «całkam sakretna» pra vajnu Rasii suprać Ukrainy.
Pavodle materyjałaŭ śledstva, Ślejtar dzialiŭsia z hetaj «žančynaj» źviestkami pra rasijskija vajennyja płany i mahčymaści. Jana nazyvała jaho «moj sakretny kachanak-infarmatar» i vypytvała, ci rychtuje NATA niejki siurpryz dla Pucina. Imia žančyny i sajt nie nazyvajucca, tamu nieviadoma, na čyju karyść jana dziejničała — Ukrainy, Rasii ci inšaj krainy.
Devid Ślejtar pryznaŭ vinu i pajšoŭ na ździełku z prakuraturaj, kab jamu źmiakčyli abvinavačańnie. Jaho mohuć asudzić na termin ad 5 hadoŭ 8 miesiacaŭ da 7 hadoŭ 3 miesiacaŭ turmy, choć maksimalnaje pakarańnie — 10 hadoŭ. Prakurory ličać, što jon śviadoma dzialiŭsia infarmacyjaj, jakaja mahła naškodzić ZŠA.
Vynikovaje rašeńnie pa spravie budzie pryniata sudom u kastryčniku. Pakul Ślejtar znachodzicca na voli.
«Vahnier» zavierbavaŭ ludziej u Łondanie, kab tyja vykrali rasijskaha biznesmiena Čyčvarkina. Adzin ź ich pierapisvaŭsia z «Minsk KGB»
Litoŭski siabar Ksienii Lebiedzievaj, jaki sieŭ za špijanaž, prosić abmianiać jaho na biełaruskich palitviaźniaŭ
Kitaj uzłomvaje kampanii Rasii ŭ pošukach vajennych sakretaŭ
SBU ŭkaraniła svajho ahienta ŭ maskoŭski ofis paplečnika Janukoviča, jaki zajmaŭsia špijanažam dla FSB
Kamientary