Лукашэнка пра Трампа: Апошнім часам ён мне вельмі падабаецца сваімі дзеяннямі
Аляксандр Лукашэнка даў станоўчую ацэнку дзеянням прэзідэнта ЗША Дональда Трампа. Пра гэта ён заявіў на сустрэчы са спецпасланнікам ЗША ў Беларусі Джонам Коўлам, піша БелТА.

«Кажуць, што Трамп любіць лісліваць. Але я не дзеля ліслівасці. Хачу сказаць, што ў апошні час ён мне вельмі падабаецца сваімі дзеяннямі», — сказаў ён.
9 снежня на пасяджэнні Рады бяспекі Беларусі Аляксандр Лукашэнка адзначыў ролю прэзідэнта ЗША Дональда Трампа ў прасоўванні мірнага парадку дня адносна канфлікту ва Украіне: «Як бы тут ні спрабавалі прынізіць ролю Трампа, ён малайчына ў гэтым плане. Ягоныя заявы міма народа не пройдуць. Ён хоча спыніць вайну, як ён кажа, дзеля таго, каб не гінулі людзі. Можна вакол гэтага круціць і казаць што заўгодна. Але што скажаш супраць таго, што робяць сёння амерыканцы?»
Каментары