У Кыргызстане так і не знайшлі цела беларускага альпініста, яго больш не будуць шукаць
Пошукі беларуса Мікалая Свірыдава на піку Курумды скончаныя.
«15 верасня, пошукі Мікалая Свірідава на піку Курумды завершаны. Знайсці Мікалая нам не ўдалося. Чатыры дні на гары працавала каманда аператараў дронаў кампаніі Evernest разам з альпіністам Андрэем Ярохіным. Былі абследаваныя грэбень, схілы і кулуары паводле задання, складзенага пасля другога этапу. На схіле знайшлі два прадметы: красовак і палатку», — паведамляе сайт, які быў зроблены для інфармавання пра пошукі зніклых у Кыргызстане беларускіх альпіністаў.
Імаверна, Мікалай пахаваны пад лавіннымі вынасамі альбо знаходзіцца ў расколінах ніжэй па схіле. Ні тое, ні другое з паветра не праглядаецца.
«У раёне пачаліся снегапады. Снег назапашваецца на схілах і больш не сыходзіць. Далейшае абследаванне схілаў немагчымае: усё, што мы шукалі, цяпер знаходзіцца пад снегам. Таму работы спыненыя. Група сыходзіць з гары. Аднаўленне пошукаў мы не плануем. Мікалай застаецца на Курумды», — канстатуюць яго калегі.
У пачатку жніўня пасля ўзыходжання на пік Курумды ў Кыргызстане знікла група з трох альпіністаў. Сярод іх — двое беларусаў: 43‑гадовы Максім Палянскі і 60‑гадовы Мікалай Свірыдаў, а таксама 37‑гадовы Сяргей Рубцоў з Літвы. Потым падчас пошукавай аперацыі былі знойдзеныя целы Палянскага і Рубцова.
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся28
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары