Махавік рэпрэсій у Беларусі не спыняецца — праваабаронцы падвялі вынікі году
Праваабаронцы падвялі вынікі крымінальнага пераследу ў Беларусі за 2025 год. Лічбы сведчаць, што ўлады працягваюць масава судзіць людзей за пратэсты і любую праяву нязгоды ў інтэрнэце, паведамляе «Вясна».
За год па палітычных справах пакаралі мінімум 1254 чалавекі (гэта выпадкі, што сталі вядомыя праваабаронцам). Сярод іх 899 мужчын (72%) і 355 жанчын (28%), а таксама 45 чалавек пенсійнага веку: 27 жанчын і 18 мужчын.
За што судзяць
Беларусаў усё яшчэ працягваюць масава судзіць за ўдзел у акцыях пратэсту пяцігадовай даўніны. Гэта самая папулярная нагода для палітычных судоў — па «народным» 342 артыкуле ў 2025 годзе асудзілі як мінімум 643 чалавекі.
Таксама распаўсюджаныя дыфамацыйныя артыкулы, па якіх судзяць за каментары пра Лукашэнку, сілавікоў і прадстаўнікоў улады. Так, за «абразу Лукашэнкі» (арт. 368 КК) асудзілі 151 чалавека.
Не менш распаўсюджаныя — так званыя «экстрэмісцкія» артыкулы Крымінальнага кодэкса. За «садзейнічанне экстрэмісцкай дзейнасці» (арт. 361-4) асудзілі 274 чалавекі.
За «стварэнне экстрэмісцкага фармавання або ўдзелу ім» (арт. 361-1) — 102 чалавекі.
За «фінансаванне экстрэмісцкай дзейнасці» (арт. 361-2) — 36 чалавек.
Таксама сёлета нямала асуджаных беларусаў за «заклікі да санкцый» (арт. 361) — 84 чалавекі.
У 2025 годзе актыўна выкарыстоўвалі «завочныя суды». Гэта калі чалавека, які з'ехаў з краіны, судзяць без яго прысутнасці. Такім чынам пакаралі 30 чалавек.
Як караюць?
Часцей прызначаюць «хатнюю хімію». Такі прысуд атрымалі 555 чалавек.
У калонію адправілі больш за 300 чалавек.
-
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына
-
Міністр Маркаў заявіў, што трэба змагацца з тымі, хто кажа пра ўшчамленне рускай ці беларускай мовы
-
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары
Тем более, что санкции можно снять только через торговлю политзаключёнными.
Раз США идут на такие торги и не выставляют никаких условии по прекращению репессии, не вводят новых санкции за репрессии населения, то, надо продолжать.