ЗША адмовілі ў візах Сяргею Лаўрову і 55 членам дэлегацыі для паездкі на Генасамблею ААН
Расія запытала ў ЗША 56 візаў, каб дэлегацыя на чале з міністрам замежных справаў Сяргеем Лаўровым змагла паўдзельнічаць у штогадовай сесіі Генеральнай асамблеі ААН. Амерыка адмовіла ў візах усім чальцам дэлегацыі.
Пасол Расіі ў ААН Васіль Небензя напісаў ліст генеральнаму сакратару ААН Антоніу Гутэрышу, у якім паскардзіўся на нявыдачу візаў Лаўрову і ягонай камандзе. У лісце гаворыцца, што Злучаныя Штаты цягам некалькіх апошніх месяцаў «пастаянна адмаўлялі ва ўязных візах» шэрагу расіянам, якія накіроўваліся на мерапрыемствы ААН. Гэта ў расійскага амбасадара «выклікае трывогу».
Прадстаўнік Дзярждэпу ЗША пракаментаваў Reuters, што, у адпаведнасці з амерыканскім заканадаўствам, візавыя запісы — канфідэнцыйныя, таму ён не можа нічога распавесці пра сітуацыю з той ці іншай асобай. Адначасова чыноўнік зазначыў, што ЗША сур’ёзна ставяцца да сваіх абавязальніцтваў у якасці дзяржавы, у якой праходзіць паседжанне Генасамблеі ААН і таму могуць адмовіць у выдачы візаў замежных дыпламатам з меркаванняў бяспекі і вонкавай палітыкі.
Акрамя таго, ЗША ўжо даўно забаранілі расійскім дыпламатам ААН, а таксама дэлегацыям з РФ ад’язджаць ад Нью-Ёрку на адлегласць большую за 25 міляў (40 кіламетраў) без папярэдняга дазволу Вашынгтона.
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары